泛民斥梁君彥吹黑哨「 蠢到加零一」

【蘋果日報】民主派昨發言均狠批立法會主席梁君彥和建制派聯手閹割立法會權力，其中公民黨譚文豪直斥早前已無極限加會的梁君彥是「吹黑哨」，形容建制派是「引火自焚」；專業議政郭榮鏗則諷指梁君彥指，「若果以為咁（不容議員辯論）就可以處理到立法會問題，呢個主席真係蠢到加零一。」
民主黨主席胡志偉昨發言時，亦狠批建制派將修改《議事規則》包裝為改善議事效率，強調議員天職是監察政府施政，「如果效率只係建基於做橡皮圖章，議員如何能履行職責？」，直指建制派今次是「中聯辦吹雞，大家就跪低」。
張超雄：睇你惡得幾耐
工黨張超雄則認為與建制派講道理實屬「嘥氣」，斥建制派只懂保駕護航，「佢哋喺議會惡慣咗、被權力腐化」，揚言：「（建制派）你惡晒喇，睇你惡得幾耐」。
今次粗暴閹割立法會後，民主派預告他日必定還以顏色，其中人民力量陳志全便指，「大家記住今日一幕，將來『十倍奉還、百倍奉還』……未來議會之戰，佢哋（建制派）絕對唔會有好日子過。」
離座抗議被逐後一度激動落淚的香港本土議員毛孟靜稱，希望巿民把握機會「反擊」，在未來選舉中「踢走保皇黨」，警告：「建制派以為以後議會可以好順利、平滑咁過，呢個係天大嘅誤會，我哋一定同佢哋抗爭到底」。
■記者林俊謙