新聞類別
財經
詳情#
【蘋果日報】上星期提到，有一隻遊戲新股遊萊互動（2022）竟然得到「賭王」何鴻燊家族成員孫詠霜入股，一度令人以為澳門賭場真係可以搬到線上。當時招股文件只係透露孫詠霜同佢配偶何劍鋒認購300萬美金，冇人講到佢哋同賭王到底有咩關係。
當時孫詠霜有份出席招股記者會，可能因為家族基因太勁，唔使多講都估到邊位係佢。而華華經過一輪明查暗訪，終於搞清楚嘞。英文全名SWING Jennifer Patricia嘅孫詠霜，相信就係賭王家姐「六姑娘」何婉文嘅孫女，孫詠霜應該叫賭王一聲舅公。
老公何劍鋒有來頭
而佢配偶何劍鋒都好似來頭唔細，可以話係澳門才俊，擔任澳門青年企業家協會常務理事、建築置業商會監事會成員同埋地產業總商會副理事長。
不過話時話，賭王家族認真龐大，何鴻燊本身排行第九（暱稱九爺），佢有好多姐妹，被外界叫做「乜姑娘」。六姑娘鮮有新聞，最多新聞可能係「十姑娘」何婉琪，佢個仔何東舜銘與息影女星陳復生（現名陳薇光）離婚，曾就贍養費對簿公堂。八姑娘何婉鴻就好似同「賭王四太」梁安琪幾老友；孻妹十三姑娘莫何婉頴就於去年底辭世，享年92歲。
李華華
LiWaWa@AppleDaily.com
當時孫詠霜有份出席招股記者會，可能因為家族基因太勁，唔使多講都估到邊位係佢。而華華經過一輪明查暗訪，終於搞清楚嘞。英文全名SWING Jennifer Patricia嘅孫詠霜，相信就係賭王家姐「六姑娘」何婉文嘅孫女，孫詠霜應該叫賭王一聲舅公。
老公何劍鋒有來頭
而佢配偶何劍鋒都好似來頭唔細，可以話係澳門才俊，擔任澳門青年企業家協會常務理事、建築置業商會監事會成員同埋地產業總商會副理事長。
不過話時話，賭王家族認真龐大，何鴻燊本身排行第九（暱稱九爺），佢有好多姐妹，被外界叫做「乜姑娘」。六姑娘鮮有新聞，最多新聞可能係「十姑娘」何婉琪，佢個仔何東舜銘與息影女星陳復生（現名陳薇光）離婚，曾就贍養費對簿公堂。八姑娘何婉鴻就好似同「賭王四太」梁安琪幾老友；孻妹十三姑娘莫何婉頴就於去年底辭世，享年92歲。
李華華
LiWaWa@AppleDaily.com
回應 (0)
