KOL獅子開大口態度差

【蘋果日報】近年KOL（Key Opinion Leader、關鍵意見領袖）氾濫，facebook專頁有數萬個like就可自稱KOL接廣告，收數千至數萬元出一個post。由普通人搖身一變成為廣告界新寵，當中難免良莠不齊，有廣告人就力數KOL三宗罪，「獅子開大口、態度差、唔專業」。
笑波子英文「小學雞」
有不願開名的廣告人指，近年所謂的KOL部份只不過是一班King of Like，在社交平台上有較多人關注，方便落廣告，很多時根本談不上是意見領袖。他指，不少品牌一開始時喜歡用KOL，「一來有新鮮感，二來較明星平」，但當人人都自稱KOL的時代，少不免出現樹大有枯枝的情況。「有好多唔算係好出名嘅KOL，開價同電視台明星仔一樣，工作態度又差，遲到又唔記稿，以為自己係大明星，咁我點解唔搵返電視台，至少訓練過又聽話」，故不少「KOL」一段時間過後就再接不到工作，消失於人前。
以坐擁數十萬訂閱的Youtuber笑波子為例，早前一條與正義聯盟主角會面的宣傳片便被網民批評，指其不專業以及英文「小學雞」。當然，KOL當中仍有人保持態度好、長做長有，更可入屋上電視。
■記者梁偉聰