擁躉：拎埋啲石一齊蒸魚

【蘋果日報】攻陷數條老人邨的健康中心大受長者歡迎，有人日日風雨不改定時到場，邨內對中心的評價兩極，有人為忠實擁躉，有人則大呻搵笨。
街坊試用後不買被趕走
「日日都嚟呀！」一名在麗閣邨分店的師奶熟客自言光顧了年半，深信按摩床和其他儀器為她解決了肩頸背痛問題，更直認購買了多粒托瑪琳石和石枕，手上亦戴有托瑪琳石鏈，「蒸魚都拎埋啲石一齊蒸，會甜啲；啲水又一齊浸。」她深信石頭有神奇功效：「如果腸胃唔好，擺啲石上個肚就會好。」至於花了多少錢和家人是否知情，她就不願透露，但承認家人反對她購買。
深水埗區街坊梁先生就後悔花巨款購買產品，「每次去都會問你做完有冇好啲，問問吓好似真係好啲」。他起初買了手鏈等飾物，其後難抵職員游說，花了逾萬元買按摩床，使用兩個多月依然無效，「之後就覺得係心理作用囉，咁貴買張床返嚟，我上淘寶睇一模一樣都唔使（咁貴）啦」。不過亦有精明婆婆沒落叠：「邊有咁着數！開間店畀你免費咩，一定會叫你買嘢。」她曾聽聞有街坊因腳腫到中心瞓床，試用兩個月仍沒購物，最終被職員趕走。
■記者龔蕙芝