新東范國威被指難團結泛民

【蘋果日報】參加了新界東立法會補選民主派初選的新同盟范國威、工黨郭永健及學聯前常委張秀賢，昨亦在初選論壇上互相質詢，其中范國威的「人緣」問題成為焦點。
3人中年紀最大的范國威於主場時間指郭永健自稱「有活力」，強調議員抗爭需要活力，即場向郭挑機，「不如比拼下做掌上壓，跑吓步都可以」。郭回敬稱早前抗議時成功衝到特首林鄭月娥座駕前，「差啲開埋佢（林鄭）車門」，最終成功逼林鄭接信，「呢個係活力表現」。范續指議會抗爭被抬走時須技巧應對，郭強調過去多次被抬，反叫范不用擔心：「我橫又橫過你，高又高過你，我哋唔係去打個保安吖嘛！」
稱有信心勝出初選
學者提問時，范國威的人緣問題成焦點。張楚勇指根據非正式調查，以范最不能團結民主派，問范如何能說服民主派支持？陳和順則問范為何民主派對他有保留，民主黨選擇支持郭永健而非他這名舊黨友？范稱會對民主派「動之以情，訴之以理」，強調「情係民情唔係人情」，希望透過初選解決民主派的團結問題，強調與民主黨無私怨，過去的分歧已透過選舉的人民授權解決，「我已經放埋咗一邊」。
張秀賢亦於主場時間狙擊范，指上屆立法會選舉，3名新同盟成員臨陣倒戈退黨，問范「是否領導能力較差」？范稱「呢個唔係領導能力問題，係佢哋嘅政治選擇」，張再質疑：「你連個黨都團結唔到，點團結民主派？」范聞言指政黨有人進出屬常事，不應「放大到初選」。
對於多個民主黨派支持郭永健，范國威會後指仍對勝出初選有信心，因為自己確實有議會經驗、民主立場堅定及有務實本土倡議等主張。對於被攻擊人緣問題，范指不會感到難受，「選舉論壇係咁」。
■記者林俊謙