負責人遭質詢　圖搶攝錄機

【蘋果日報】根據公司註冊登記資料，涉事健康中心其中一名董事為黃桂平，她對中心運作親力親為，會輪流到店主持講座，又分享個人心得，不過當記者向她查詢，她即否認產品有特別功效，只稱「信則有，不信則無」。
該間聲稱來自韓國的健康中心，在韓國確實有一間同名公司，其官網有出售按摩床，但無售賣含硒食品及移動小地球，產品亦無提及有治療作用。本報曾以電郵向該公司查詢香港的健康中心是否代理，卻一直沒有回覆。
記者同時向黃桂平查詢，惟她轉軚否認曾提及的所有功效，「呢啲冇乜醫學根據，我冇叫人用呢啲石頭點樣浸，你買去點用係你嘅事，有冇效見仁見智」。黃又指無出售移動小地球，惟記者拿出有人購買的證據，她一度語塞，更數度試圖搶去記者攝錄機。
■記者黃學潤