倡飛拱支架改建飛索場

【蘋果日報】舊皇都戲院今日踏入65歲，活現香港在北角舉辦「皇都有落！勁過65展覽」，邀請年輕建築師為戲院構思4個保育方案。當中名為「皇都競技」的方案除可保留戲院獨一無二的拋物線型飛拱支架，更建議利用支架打造屋頂飛索場，讓市民從空中欣賞。
「皇都競技」建築師團隊成員蔡杰宏指，戲院有其歷史價值，盼新方案可賦予皇都第二生命，「活化後做返戲院比較單一，想多元化啲」。他建議將戲院改造成室內運動場，在原戲院舞台位置裝設15米高攀石牆、觀眾席則設空中瑜伽及滑雪場等。他指飛拱支架極具標誌性，建議打造空中飛索場，「市民日後可以喺空中睇（飛拱支架），又唔會影響結構」。
「皇都有落！勁過65展覽」即日起至26日在北角堡壘街舉行，同場展出由3萬粒積木砌成的皇都戲院。
■記者譚靜雯