黎諾懿語障太太驚仔遺傳

【蘋果日報】黎諾懿昨日在紅磡出席酸奶宣傳活動，活動以普通話進行，司儀黃心美操流利普通話，黎諾懿卻半鹹半淡，即場被黃心美取笑。
黎諾懿指受天資所限，有輕度語障，他笑說：「我普通話『有料到』唔係今時今日嘅事，不過依家係咁先可愛，我自我安慰，其實各位聽得明已經係最大進步，四年前大家如果有睇我上湖南衛視節目《舞動奇蹟》就慘不忍睹。」因此他計劃未來的親子活動是和兒子小春雞上堂學普通話，又指太太擔心兒子會遺傳爸爸語障，他說：「太太今日都不斷教我讀品牌名，佢都話『死啦！第日阿仔會唔會遺傳咗你？』太太識得四種語言，中、英、普通話加日文，希望阿仔係遺傳太太啦。」
採訪、攝影：卓寶花