高僧唔敢出手翁靜晶：我最大嘅助力係市民

【蘋果日報】「依家我咁樣，我打到最後一口氣、一分鐘，為咗我覺得我啱嘅目標去做。」
「我到時擰番轉頭，雖然冇咗錢，但係我有自己，一個對得住自己嘅良心。」
翁靜晶是執業律師，也是作家，總有說不盡的金句，抄都抄到手軟。
但，作為自勉，值得收藏。
翁靜晶單挑定慧寺，令你明白，與世界為敵又如何？首先你要搞清楚，為敵的是世界，還是一小撮人。定慧寺一役令翁靜晶明白，她最大的力量，來自市民。
「我覺得係俾到一個正面訊息，俾所有香港人知道，唔好怕，其實你睇到我最大嘅助力，就係市民。無論佢哋係用精神支持、或者係其他支持，我諗佢哋一句說話，比嗰啲大德嘅高僧，行過嚟話畀我聽：『我唔敢幫你喇，幫咗你我有事』嗰啲人，嚟得更加令我尊重。」
「其實我唔係一個人，香港有好多市民都係願意幫忙，你諗吓，我喺三個月籌到五百幾萬，你係應該知道我係有支持者。」翁靜晶笑。
打官司＝燒錢。已退休的執業律師，稱為了這場官司，復出撲水。「呢啲支持者都喺度發動緊，希望做眾籌，希望眾籌幫我行呢段路，但我拒絕咗佢哋好意，原因係成件事都係我而起，我都要盡能力去搞番掂件事。我唔想喺佢哋身上加重負擔。
「我先用我嘅錢先，用到我冇晒喇，我會問佢哋攞嘅，咁但係我依家仲頂得到，我頂。」
之前翁靜晶受訪時曾稱，醫生說她體內的「爐」熄了，健康慢慢變差。現在應付得了嗎？「又好奇怪喎，好似有啲越戰越勇嘅狀態喎。本來就真係死吓死吓，醫生話你真係要唔好做咁多嘢，但唔知點解，如果你可能有宗教信仰，你會覺得係一種力量。」
「我會唔會喺做完晒成單嘢之後筋疲力盡、所有病都發晒出嚟呢？有咁嘅可能嘅，但都唔諗得咁多，因為我依家真係一個人打緊呢一場仗，我唔會退縮。我會打到最後一分鐘。」