街坊：樓價如火箭　冇得㩒

【蘋果日報】樓市癲價頻現，連全港最後上車總站天水圍嘉湖山莊，呎價1萬元內平樓也快絕迹，記者當然要入天水圍問吓街坊點睇。
街頭智慧更勝樓市專家，天水圍「嘉湖林太」一句「樓市專家食屎」，成為網絡紅人。記者到區內訪問街坊，現居於區內公屋天慈邨的黃先生，被問到樓價有冇機會跌，他淡定回應，「跌？機會梗有㗎，等幾時吖嘛」。咁幾時會跌？「現時好似火箭咁，冇得㩒喎」之後他說，嘉湖山莊舊年年頭都好平，「300萬買到三房，嗰時樓價跌緊，現時冇六、七百萬都唔使諗」。
樓市咁升法，黃先生都話「小市民唔知點搞」，佢自己就無樓，亦稱無本事買樓，其仔女已長大，亦沒有物業住公屋。