白偉俊笑鄺神傻仔高佬賢辣碧雲姨先係…

【蘋果日報】立法會大會昨早9時續會，繼續處理建制派上周就就《實習律師修訂規則》提出的中止待續議案。會議一開始已經火藥味十足，建制派謝偉俊率先發言反擊民主派為拉布「講成堆廢話、人都癲」，又點名諷刺民主黨鄺俊宇日前稱「我都唔想（講廢話）」，形容鄺「呢條傻仔咁講都幾得意吖！」但謝隨即收回言論。
復會後繼續由醫學界陳沛然發言，他稱自己反對中止待續的原因是因為議員無法加入所有委員會，但民生無小事，議員都希望對其他專業範疇的事項多了解和有機會討論。
但緊接發言的謝偉俊隨即怒轟陳沛然「一個謙謙君子咁嘅樣，但講埋成堆廢話。」謝稱《實習律師修訂規則》原文連同標點符號只得56個字，當中只涉及生效日期，內容簡單，「完全跟民生無關係，我真係好佩服我啲（民主派）同事，可以將一粒米去微雕」。謝稱不忍心立法會會議記錄只記下早前民主派議員與《規則》無關的發言，「大佬呀！你哋講緊啲乜嘢呀？日期咋！幾時實施嘅日期，關市民咩事幹呀？」
他更手舞足蹈揶揄民主黨鄺俊宇，「乾脆好似鄺俊宇議員咁，『我係講廢話呀，我都唔想㗎』，都仲可以笑吓吖！呢條傻仔幾得意吖！」公民黨楊岳橋隨即站立表示不滿，謝即稱「我收返！我知道喇，佢唔係傻仔，起碼喺我眼中我唔知佢係乜嘢，喺市民眼中唔知佢係乜嘢。不過佢唔係傻仔，OK？」他又勸民主派勿再稱阻止修改議事規則是為監察政府，「如果用你哋依家嘅方法監察政府，嘥氣啦！收檔啦！根本政府完全唔怕你哋！」
建制派「班長」廖長江指，有關附屬法例曾成立附屬法例的小組委員會開過一次會，連同選主席等程序只是用了廿多分鐘，民主派要就附屬法例的長時間發言的原因，相信市民和議員心中有數。
民主黨黃碧雲發言就指反對建制派提出中止待續，是認為建制派想盡快「剪布」展開修改議事規則的討論，手法惡毒，「呢啲修改議事規則是削減民主派議員的發言空間，仲幫立法會主席充權，日後將所有嘢合併辯論」。公民黨郭榮鏗亦指每名議員只能發言15分鐘，時間不足，要求主席梁君彥讓議員有更多時間發言。