曾搬貨致骨裂　要照顧腦退化夫食環拒轉牌　果檔婆婆被迫朝桁晚拆

【蘋果日報】年逾80、拒申領綜援的生果小販盧銀娟，因其小販牌照所限，開檔70年來每天都要朝桁晚拆。兩年前盧婆婆搬貨時跌傷手骨，加上患腦退化症的丈夫病況惡化，「淨係記得我同呢度」，遂向食環署申請轉成固定牌，盼減少搬抬，繼續自力更生，卻遭署方一口拒絕。有議員冀署方酌情處理，惟署方指現時無轉牌政策。
記者：李詠希
小販盧銀娟12歲已隨母親在中環士丹利街近閣麟街交界賣生果，至今已經70年，年輕時更在這條街邂逅丈夫周先生，「佢以前喺前面賣燒臘，拆咗樓就唔做，過嚟幫我賣生果」。惟現年92歲的丈夫10年前患上腦退化症，最近病情惡化，試過走失，要由警察帶回檔口。她稱現時丈夫會認錯仔女和孫兒，只記得她和檔口，「如果我唔開檔，佢就周圍去街；一開檔佢就冇得去街，『綁』住佢喺度，開檔收檔都一齊」。
為了開檔，盧婆婆帶着丈夫清晨5時到西環果欄買貨，由果欄工人代為送貨，每日開檔的收入僅約數百元。兩老雖已一頭白髮，惟不希望依靠子女，更拒絕申領綜援，「有啲人真係好困難，我老箒，但自己仲做得，攞住個（小販）牌，搵餐飯食咪好，唔好搶人啲錢」。
許智峯促酌情處理
不過82歲的盧婆婆表示，健康近年轉差，即使檔口貨架由木板、膠箱和發泡膠盒等組成，搬抬時仍很吃力，兩年前更試過因收檔搬貨而跌裂手骨；從此令其左手手骹不時感到痛楚，惟有在附近的大廈租用士多房儲存架生，減省搬運的路程。她指今年6月曾到食環署申請改為固定牌照，希望擺檔時不用再搬搬抬抬，惟遭職員一口拒絕，「佢叫我照申請，但講明一定會拒絕」，故希望署方可酌情處理，「人又老，其實都係做多幾年」。
食環署回覆《蘋果》時稱，已通知盧現時並無流動小販牌照轉為固定小販攤檔牌照的政策，拒絕回應會否酌情處理盧的個案。
署方又指出，早於2003年曾推出自願交回流動小販牌照計劃，計劃曾四度延長，已給予非常充裕的時間供合資格小販考慮。
協助盧的民主黨立法會議員許智峯解釋，盧希望申請的是俗稱「黃格仔」的固定牌照，容許檔主將如貨架等基本工具在收檔時，過夜儲存在檔位的箱子，「唔使完全朝桁晚拆」，惟料署方會拒絕盧的申請，屆時可能需交由牌照上訴委員會處理，需時最快半年，「但就好似對簿公堂咁，又要宣誓同接受盤問，婆婆會好驚」，盼食環署長行使酌情權批准個案。