惡客雙黃線截的士被拒拖司機落車打鑊甘

【蘋果日報】一部的士前晚駛經尖沙嘴中港城對開，一批男女在揮手截車，司機因雙黃線未有停車接客，未幾有人踢向的士車門洩憤，司機不甘停車查看，10多名男女即衝前圍毆司機，司機慘被打爆鼻樑淌血，兇徒傷人後四散，司機送院敷治，無奈表示：「下次唔會再停車，一於直行直過」！
捱打司機姓張（43歲），本身為推銷員，為幫補生計，公餘兼職駕的士約一年。前晚11時許，他駕的士駛至尖沙嘴皇家太平洋酒店對開時，發現為數12人在路口截車，但因該路段為雙黃線禁區，他未有停車。不料他慢駛經過期間，一名男子跳出踢其車門，他駛前停下查看，10多人便衝前對他拳打腳踢，兇徒傷人後逃去。張被毆頭臉鼻樑流血，途人為他報警送院敷治。
張坦言從未有這種經歷，事發時感到害怕，「驚㗎！10幾人打你一個，惟有盡量保住自己的要害，唔好俾人打到咁傷！」他指對方是香港人，衝前喝罵他「叫你停又唔停，做乜唔載呀？」最後寡不敵眾遭圍毆。