自行派位取錄率微升　深校放寬港生入讀　北區小一競爭減

【蘋果日報】2018/19學年小一自行分配學位派位結果昨揭盅。本年約5.8萬名適齡學童中有約2.5萬人考入心儀學校，取錄比率較去年微升至42%；下年正值龍年效應加上雙非「尾班車」，有北區家長憂「搵位」困難，但多名小學校長指本屆北區學額競爭未如過往激烈，或因受惠深圳放寬香港學生回內地公立學校入讀的新政策。
記者：葉偉東
教育局日前指本屆適齡學童人數增加約1,000人，至58,965人，其中有24,900人昨獲心儀學校取錄，比率為42%，較去年創19年新低的41.5%輕微回升。
減至3人爭一學額
上水惠州公立學校下學年開5班小一，共150個小一學額，報名人數由去屆約220人減少至約180人。校長黃永強指，深圳教育局今年推出新收生政策放寬港澳籍學生報讀深圳公立學校，「如果睇（報名）數字，係真係少咗……可能家長多咗選擇，佢哋會怕呢區競爭大，所以寧願報讀其他，相信（如果）唔係內地收返啲學生，個（學額）競爭會再大啲」。
上水鳳溪第一小學下學年也開5班共150學額，其中75個為自行分配學位；校長朱偉林指，該校本年小一入學申請有約300名申請者，下學年申請則減少，收生未如預期中激烈，「由過往5人爭一學額，減至約3人爭一學額」，或因深圳市新政策紓緩了北區學額的壓力。
鳳溪創新小學校長李淑賢指，該校未有因早年學生人數增加而加開小一班別，故收生相對穩定，下年將有120個學額。李相信，深圳市放寬港生入讀亦令本屆學額競爭未如過往劇烈，「因為教育局為跨境生推出嘅跨境專用校網，都會派到去黃大仙、青衣，可能啲（跨境）家長為免麻煩，直接就報咗返深圳」。
北區家長陳太對昨未獲派心儀學校表示失望，並相信單非學童加劇競爭，「咁佢哋啲小朋友都想返香港讀書，所以（北區）學額係唔夠」；因此她促政府繼續增加北區學額，「開多一兩班，等啲教師又好啲、學生又好啲，因為北區小學啲學額真係唔夠」；她擔憂孫兒會派到遠離上水的學校，「不過都冇辦法，惟有等統一派位」。
陳先生兒子亦未獲派心儀的鳳溪第一，抱怨「搵幼稚園難、搵小學難、搵中學難」，「我哋都好無奈，實在太多跨境學童、內地生，基本上行過都全部都講國語，根本喺北區都唔夠爭，搶晒啲本地學生啲位」。