新聞類別
財經
詳情#
【蘋果日報】又有細價股被證監勒令停牌，今次輪到曹貴子醫生系嘅旗艦康健（3886），今次亦講到明係以證券及期貨（在證券市場上市）規則第8（1）條，要求康健停牌，睇開財經版嘅讀者，相信都會知道呢條條例涉及文件誤導。
呢個世界只會有人出嚟話「我恐懼」，唔會有人出嚟話「我誤導」，所以係咪誤導得佢哋自己知。但證監越打越多，間接或直接令好多人減少買細價股，而對無炒細價股嘅散戶嚟講，呢類新聞除咗食花生之外，好似無乜藥用價值。
不過咁，唔少老行尊都會以細價股作為升市尾聲嘅指標，即係見到三、四線股都炒到飛起，都係時候要散水，證監咁樣冚檔，大市升勢似乎少咗個指標。又撞啱港股衝完上三萬點之後無乜力，究竟點睇今次升市玩完未好？
今次升市炒來炒去都係騰訊（700）、平保（2318）同埋友邦（1299）呢批龍頭大價股，所以個市係咪玩完，都不妨睇下藍籌龍尾股，傳統升市藍燈籠中移動（941）梗係要望實，另一隻不妨望下聯想（992），當有一日佢兩隻唔知為乜爆升嘅時侯，如果加埋本報將港股做A1嘅時候……相信都差唔多了。
散子
呢個世界只會有人出嚟話「我恐懼」，唔會有人出嚟話「我誤導」，所以係咪誤導得佢哋自己知。但證監越打越多，間接或直接令好多人減少買細價股，而對無炒細價股嘅散戶嚟講，呢類新聞除咗食花生之外，好似無乜藥用價值。
不過咁，唔少老行尊都會以細價股作為升市尾聲嘅指標，即係見到三、四線股都炒到飛起，都係時候要散水，證監咁樣冚檔，大市升勢似乎少咗個指標。又撞啱港股衝完上三萬點之後無乜力，究竟點睇今次升市玩完未好？
今次升市炒來炒去都係騰訊（700）、平保（2318）同埋友邦（1299）呢批龍頭大價股，所以個市係咪玩完，都不妨睇下藍籌龍尾股，傳統升市藍燈籠中移動（941）梗係要望實，另一隻不妨望下聯想（992），當有一日佢兩隻唔知為乜爆升嘅時侯，如果加埋本報將港股做A1嘅時候……相信都差唔多了。
散子
回應 (0)
