六嬸逸事：性格豪邁赤腳行街

【蘋果日報】方逸華在管理無綫時，女強人上身，但她也有性格豪邁的一面。2007年，方逸華陪邵逸夫遊澳門，其間到威尼斯人酒店的賭場及名都廣場參觀，方逸華竟然全程赤腳，發現記者後才穿上白襪和酒店的浴室拖鞋。
另外，2015年方逸華和一眾TVB高層在中環食晚飯，其間手中一直拿着一個小水泡，影大合照時才將手中水泡交給司機。
頭號寵男常伴在側
【蘋果日報】經常陪伴方逸華出入的男子「頭號寵男」，原來叫Raymond，其實他在六叔邵逸夫未離世時，都不時陪伴兩夫婦出入，Raymond會細心推着坐輪椅的六叔。今年3月，Raymond就被拍到陪六嬸與梁乃鵬等人嘆高級日本菜。
據知年近60歲的Raymond是修讀建築出身，他最早期在地產界發展，其後他加入邵氏做發展部總監，傍實六嬸成為親密戰友。
90年代，六嬸事業陷於低潮，Raymond銳意發展邵氏旗下的翡翠明珠戲院，加入食肆商店，大展拳腳，Raymond全力支持，得到六嬸器用，參與不少邵氏重要項目，如將軍澳電視城的設計和監工等工程。得寵的Raymond更加於2010年以邵氏基金代表身份，代六嬸捐贈一億元支票資助城大發展。
「應使則使」取消大利是
【蘋果日報】人稱「六嬸」的方逸華為人慳家，即使平時出外吃飯，也會把吃剩食物打包，非常環保，許紹雄早年接受訪問時，曾揶揄方逸華主理無綫年代時待遇不好，許紹雄指多年前過年，藝員會有5,000多元大利是：「佢哋職員有雙糧，我哋唔係人嚟咩？我哋又唔係職員咩？咪當利是畀，不過停咗好耐啦，自從方小姐話事停咗，佢走咗先聽聞開始有番，如果佢再唔走，執㖭呀，好似邵氏咁有乜出奇，萎縮囉，以前有台慶飯食又冇埋。」
TVB傳訊部宣傳科前副總監曾醒明早前為方逸華被指孤寒平反，曾醒明指方逸華凡事親力親為，他說：「人哋話佢孤寒，佢係應使則使。」曾醒明指有一年冬至方逸華眼見同事工作辛苦，叫曾醒明請大家吃飯，可是同事要趕回家過節，事後方逸華追曾醒明飯局結賬單找數。