配水庫工程疏忽　7.7萬人飲漆水　水務署抽「新水」檢驗　被轟自欺欺人

【蘋果日報】有異味食水襲擊葵青區及荃灣區，引致人心惶惶，居民帶同膠桶、膠箱落街狼狽取水，超市樽裝水被搶購一空。據悉，今次「水禍」源頭是荃灣配水庫有工人在髹上環氧樹脂防漏物料後，未待樹脂乾透便重新注水，致食水受污染。雖水務署事後指抽取食水樣本化驗後，初步顯示不含對人體有害物質，但有議員批評水務署只取「新水」化驗，聲稱「冇問題」是自欺欺人；有議員形容事件屬人禍，指水務署嚴重疏忽，又沒交代檢驗水辦細則，難釋除市民疑慮。
記者：詹家志　翁鈺輝　金敏琍
今次有異味食水影響範圍廣泛，包括光輝圍、大窩口邨、葵興邨及葵涌邨，至少7.7萬人受影響。另外，青衣盈翠半島亦有住戶報稱食水有異味，水務署正了解是否有關。
事發於前日下午，有居民發現食水有類似機油和火水的異味，至晚飯高依期水務署接獲大量投訴，始知荃灣配水庫有問題，緊急調動荔枝角泵房抽取食水供荃灣葵青區居民使用，同時安排水車供水，昨再派人到重災區葵涌邨清洗水缸。
酒樓生意大跌四成
葵涌邨芊葵樓獨居長者劉女士前晚曾煲水煮麵，之後肚痛嘔吐4次，「唔知關唔關事，但依家唔敢用」，需要落街取水。亦有市民不敢用家中自來水，寧願到超市購買樽裝水，令超市擺放樽裝水的貨格空空如也，事件亦令不少食肆生意插水式下跌，大窩口邨一間酒樓的經理透露，受事件影響，酒樓生意大跌近四成，客人不敢來用膳，改往其他區。
水務署發言人回應稱，初步估計食水出現異味可能與荃灣食水配水庫維修工程有關，現正調查。水務署前晚已停止從該配水庫供水，並已抽取食水樣本化驗，初步結果顯示不含有對人體有害物質。
葵青區議員梁志成稱，據他了解，出事水庫為荃灣第一號配水庫，日前有工人在水缸壁上髹上環氧樹脂物料進行防漏工程，疑有人在樹脂未乾透的情況下便重新注入食水，令部份樹脂被浸溶而污染食水。
立法會議員陳恒鑌收到葵涌邨食水異味問題報告後致電署方查問，得知署方是在葵涌區9處地點取水辦，包括葵芳街頭的消防喉，追問下署方承認部份水辦已是另一配水庫供應的「新水」，他批評署方自欺欺人，竟不從災區住戶水箱取水，難怪驗水結果「冇問題」，未有從鉛水事件吸取教訓。
立法會議員黃碧雲形容事件「離晒譜」，配水庫及水塘由水務署管理，竟然發生如此嚴重疏忽，反映管理有問題，水務署有責任清楚交代工程細則、工作指引及有否監管。她又說，水務署雖表示已驗水辦稱不含有毒物質，但無公開化驗報告，難以令市民安心。她認為近年發生連串食水問題，政府應成立獨立部門規管水質，不應荒謬地由供水者水務署擔當監管角色，「自己管自己，即係唔使管！」
【居民憂心忡忡】
劉婆婆：「前晚用水煮麵，食完有肚痛，唔知係咪同啲水有關。」
陳小朋友：「聽到水有問題就冇飲，屋企人擔心唔乾淨，叫我攞水。」
陳女士：「梗係驚先嚟裝水，唔係好覺水有異味，人哋攞我又攞。」