中環在線：金管局唔認香港fintech落後

【蘋果日報】香港金融科技行得慢，就係人都話緊㗎喇，金管局當然未必同意喇。金管局副總裁阮國恒噚日出席香港投資基金公會年會時，主動提起金融科技發展，佢話唔贊同香港金融科技發展落後，更指對科技應用嘅取態中立（Technology Neutral），認為金融科技嘅作用在於提供更佳顧客體驗或者更好嘅客戶關係，即使呢啲技術點樣同顧客連結，香港仍然需要有基本嘅監管考慮，以保障顧客利益。
金管局喺九月底話推出七項幫助銀行同科技結合嘅舉措，同時仲話「提升本港銀行體系至更高層次的智慧銀行不單純是錦上添花，而是事在必行。為滿足客戶不斷增加的期望及要求，銀行及科技的融合實在刻不容緩。」希望有關當局之後真係可以加快推動銀行同科技結合啦，如果唔係香港又跑輸同區對手。
李華華
LiWaWa@AppleDaily.com