中環在線：中國建築西南高層曾被當騙子

【蘋果日報】中國建築（3311）旗下公司-中建國際投資（四川）董事長趙凱竟然曾經被人以為佢係騙子？
話說趙凱喺內地畢業後，直接到港工作5年，之後輾轉返到內地，反而唔適應當時內地傾生意嘅文化，加上初時缺乏人脈，需挨家挨戶到唔同地方政府敲門。他指，由於當時不足30歲，但已經係地區公司負責人，地方官員見佢年輕，一度以為佢係騙子。
家陣趙凱已是「西南王」，掌管中國建築於雲貴川渝四省市嘅業務，包括四川天府新區嘅道路等基建項目。曾在港工作5年，讓佢意識到中港兩地不同，佢指「香港澳門不能撤，是培養人才的地方，公司在內地很多地方也是香港（有香港工作經驗嘅員工）帶領的」。
李華華
LiWaWa@AppleDaily.com