愛東邨食水變瀝青水　居民投訴　社區主任指水務署稱「飲你唔死」

【蘋果日報】繼鉛水襲屋邨後，公屋食水安全再受質疑。民主黨近日接獲逾10戶筲箕灣愛東邨居民求助，指食水發黃、變啡及出現黑點。水務署初步懷疑因街喉老化引致瀝青入水，但稱無礙食水安全。有居民憂心得連日來不敢用水，社區主任轟水務署及房屋署態度欠積極，只強調瀝青水「飲你唔死嘅」，促請政府盡快驗水令居民安心。
記者：鍾雅宜　張文鈴
愛東邨共6座大廈、約3,900個單位，2001年起陸續入伙，是次涉及食水有雜質的愛逸樓則2008年才落成。民主黨許智峯指周三起收到超過10戶愛東邨愛逸樓居民求助，指食水中出現黑點、粉狀物，食水發黃及變啡，有居民指連日來不敢用水，僅以樽裝水代替。
疑因街喉老化
許智峯稱，去年9月該邨和附近的東旭苑、東濤苑已出現類似情況，約有14戶求助，他們10月曾化驗鉛等多種金屬，未發現超標情況。該黨向房屋署及水務署查詢，水署年初與他們會面時指水中雜質屬正常沉澱物，疑因街喉老化令水中出現瀝青，強調食水符合安全，居民可飲用，「但佢冇解釋瀝青水係咪對人體冇影響，亦唔知佢有冇化驗瀝青」。他指署方在大廈安裝了濾水設施，水質有所改善，但近日再出現異樣，促部門盡快調查事件成因，並應盡快制訂換喉時間表。
民主黨社區主任蘇逸恒批評水署態度欠積極，似想事件不了了之，「佢話係瀝青就冇問題，飲你唔死嘅，但係咪真係可以令大家安心呢？」
房署指，過去一年署方沒有在愛逸樓公衆地方進行水務工程，本月15起房屋署共收到兩宗愛逸樓住戶報告指單位食水出現問題，水務署已作檢測。
水署稱前日接獲投訴，已在愛逸樓天台及地下食水貯水缸和有關單位抽取食水樣本，現正化驗，署方在愛東邨政府水管供水點安裝了濾水網以阻隔微粒進入內部喉管，會密切檢視濾水網效能。
食水安全國際專家小組成員陳漢輝表示，瀝青對人體沒有毒性，不存在健康問題，「啲粒粒係肉眼見到，可以隔開」。不過，家庭醫生關嘉美指出，若住戶長期飲用含瀝青食水可能會刺激腸胃，用作洗澡亦可能會刺激皮膚，若皮膚曬傷後經常接觸瀝青水或增加患皮膚癌風險。