新聞類別
財經
詳情#
【蘋果日報】家陣乜都要人工智能，華華噚日去到新加坡參觀MasterCard創新實驗室，睇吓有乜新搞作。如果講到最吸睛，一定係叫餐機械人Pepper。
Pepper由新加坡實驗室開發，專門負責幫大家點菜，目前喺新加坡一間Pizza Hut分店做緊實習。唔好以為Pepper淨係識落單咁簡單，佢仲答到港女問題，例如：唔知食乜好有乜介紹？甚至係件芝士蛋糕有幾高熱量，佢都一樣識答。
點完餐之後，只要Pepper同MasterCard戶口連接，手機就已經可以立刻收到賬單過數。不過，Pepper暫時只係識聽英文、日文同國語，香港可能未必用到住喇。
咁有乜啱香港用？研究人員就特別推介AR實景技術買傢俬App，事關香港多劏房，圖則又三尖八角，透過AR技術，只要用手機鏡頭掃描間房，就可以喺合作商戶揀吓梳化揀吓凳咁，模擬睇吓擺唔擺得落，揀啱又可以即刻用信用卡訂，希望可以快啲引入香港啦。
李華華
LiWaWa@AppleDaily.com
Pepper由新加坡實驗室開發，專門負責幫大家點菜，目前喺新加坡一間Pizza Hut分店做緊實習。唔好以為Pepper淨係識落單咁簡單，佢仲答到港女問題，例如：唔知食乜好有乜介紹？甚至係件芝士蛋糕有幾高熱量，佢都一樣識答。
點完餐之後，只要Pepper同MasterCard戶口連接，手機就已經可以立刻收到賬單過數。不過，Pepper暫時只係識聽英文、日文同國語，香港可能未必用到住喇。
咁有乜啱香港用？研究人員就特別推介AR實景技術買傢俬App，事關香港多劏房，圖則又三尖八角，透過AR技術，只要用手機鏡頭掃描間房，就可以喺合作商戶揀吓梳化揀吓凳咁，模擬睇吓擺唔擺得落，揀啱又可以即刻用信用卡訂，希望可以快啲引入香港啦。
李華華
LiWaWa@AppleDaily.com
回應 (0)
