新聞類別
財經
詳情#
【蘋果日報】銀行力谷FinTech，將服務電子化係未來發展方向，但同時好容易成為黑客攻擊對象。渣打（2888）首席資訊保安總監Cheri McGuire噚日喺新加坡出席FinTech Festival就提到，其實有95%黑客入侵個案，都係因為人為失誤所致，好似有時大家唔記得logout啊咁。
咁作為國際大行又可以點提高員工網絡安全意識呢？原來係全靠打機！Cheri提到，渣打運用「Gamification」將保安概念遊戲化，整咗一個電腦遊戲畀員工玩。員工可以設計自己嘅人物角色，好似玩模擬市民咁，有4個題目跟住故事發展，睇吓點樣保衞銀行安全，每周冠軍仲有iPad做獎品㖭。
有得玩又有得拎，所以成個集團都有1.5萬名員工自願參加，佔整體兩成，玩之餘仲收到成2,000個建議，睇吓銀行可以點進步。
除咗玩，Cheri話受到監管要求，好似喺香港、新加坡同英國咁，都會真金白銀畀錢請黑客做恐襲訓練，每次有不同情景，好似試吓入侵ATM系統、網上銀行系統等等，集團下年都諗住請多一成人做資訊保安。
李華華
LiWaWa@AppleDaily.com
咁作為國際大行又可以點提高員工網絡安全意識呢？原來係全靠打機！Cheri提到，渣打運用「Gamification」將保安概念遊戲化，整咗一個電腦遊戲畀員工玩。員工可以設計自己嘅人物角色，好似玩模擬市民咁，有4個題目跟住故事發展，睇吓點樣保衞銀行安全，每周冠軍仲有iPad做獎品㖭。
有得玩又有得拎，所以成個集團都有1.5萬名員工自願參加，佔整體兩成，玩之餘仲收到成2,000個建議，睇吓銀行可以點進步。
除咗玩，Cheri話受到監管要求，好似喺香港、新加坡同英國咁，都會真金白銀畀錢請黑客做恐襲訓練，每次有不同情景，好似試吓入侵ATM系統、網上銀行系統等等，集團下年都諗住請多一成人做資訊保安。
李華華
LiWaWa@AppleDaily.com
回應 (0)
