【知Jargon】「蟹貨」係咩唔知道？唔使怕醜豬　Oppa話你知

【蘋果日報】「蟹貨」，簡而言之，即為「蝕本貨」。意指買入股票後，股價不升反跌，長時間比原先的買入價更低，所持股份即為「蟹貨」，結果資金就如大閘蟹一樣被綁死。


「蟹貨」的出現，其實與股民心理質素有關。傳統投資智慧所言，要嚴守止蝕，不過，不少散戶卻敢輸唔敢贏、止賺不止蝕，自欺欺人地「一日唔沽一日都未輸」，結果資金被綁死，短炒變長揸，當股價較買入價跌至一定的幅度，根本「沽都無謂」，形成蟹貨。


至於所謂「蟹貨區」，指有大批股民大量掃貨的股價水平，惟股價一旦跌穿該水平，令所有之前入貨的統統成為「蟹民」。假設股價重上蟹貨區，資金被綁的散戶，眼見股價「返家鄉」，重回買入家，一般會急急沽出股份，令「蟹貨區」出現沽壓，形成蟹貨區阻力。然而，一旦股價突破蟹貨區阻力，表示該股「冇蟹貨」，或是股價大升的先兆。