黃國健：毋須樣樣諮詢巿民

【蘋果日報】前日辯論一地兩檢無約束力決議案時相當沉默的建制派議員，昨日立法會大會上空群出動，多次與泛民互轟，火藥味極濃。其中民主黨議員許智峯不滿工聯會黃國健評論一地兩檢問題時指，「有啲嘢唔係樣樣都要直接面對巿民諮詢」，狠批工聯會多名勞工界議員是「零票議員」，又質問黃國健：「你咁都講得出，有冇愧對選民？」
陳健波：張華峰億億聲上落都守崗位
保險界陳健波其後發言時則為多名零票當選的功能組別議員護航，指功能組別是據法律選出，議會現時靠多名功能組別議員「撐住」，指「（經民聯金融服務界）張華峰每日都億億聲上落，都唔去搵錢，都堅守崗位，撐住個議會，如果唔係流咗會好耐」，又指「（商界）廖長江咁資深嘅大狀，搵幾多錢？佢都坐喺度」，認為這反映「功能組別真係對社會好大貢獻」。
多名民建聯議員發言時向民主黨「翻舊賬」，指民主黨過去曾多次辦內地高鐵旅行團，又指控涂謹申過去亦曾指一地兩檢無問題，其間民主黨黃碧雲站立提出規程問題抗議，澄清該黨從未支持過政府一地兩檢方案，認為不應縱容建制派「老屈」民主黨支持政府方案。
其後民建聯蔣麗芸批評黃碧雲「有時好似儍儍哋」，黃要求蔣收回言論，蔣則在立法會代主席李慧琼詢問下收回。涂謹申澄清，指民建聯將政府一地兩檢租地方案跟他早前在一論壇分析其撥地方案，強行混為一談，是想模糊公眾。
■記者林俊謙