中環在線：中資分析員封嘴　十九大要維穩？

【蘋果日報】全國嚴陣以待嘅「十九大」已經正式閉幕嘞，原本以為大家都會鬆番口氣啦，點知原來餘波不絕。有中資券商就同華華講，呢段時間都係盡量唔出聲、唔評論股份喎。
話說因為「十九大」嘅緣故，一眾中資股已經有咁低調得咁低調，以免惹禍上身。君不見「十九大」一完，堆內房股股價即刻升，梗係啦，避過一劫嘛。
但勢估唔到，噚日華華打電話畀啲中資券商吹水，本來打算向佢哋分析個別中資股嘅表現，點知個個耍手擰頭，話因為呢排「十九大」，最好都係少啲講嘢為妙，廢事啦。
李華華
LiWaWa@AppleDaily.com