新聞類別
財經
詳情#
【蘋果日報】如果有一日，金管局、證監會、保監局、積金局合併成「超級監管機構」，究竟一班高層想邊個做老細？個答案竟然係陳奕迅（Eason）。
馬雲誠哥冇人揀
話說噚日係金融科技周，其中一個環節係4間監管機構高層分享對金融科技意見，主持人搞咗個限時搶答遊戲──假設監管機構合併後，大家希望邊個做老細，可以揀馬雲、李嘉誠、Eason。
金管局助理總裁鄭發（Henry）就答Eason，鍾意佢夠freestyle，唔通平時佢老細陳德霖好壓抑？保監局執董譚偉民（Raymond）都係答Eason，想同佢一齊唱歌咁話，積金局執董許慧儀（Cynthia）都係一樣，但冇解釋原因，最爆嘅係證監會執董梁鳳儀（Julia），話3個都唔揀，會繼續為行政總裁歐達禮效力，無言了。
另一條問題係如果4位要幫姪仔選擇職途，究竟做start-up、銀行定監管機構好？Cynthia、Julia、Raymond都話做start-up，Henry就選擇監管機構，因為start-up都要人管㗎，隨即引來全場大笑。
最後一條就非常個人嘅，如果唔做監管機構，究竟大家會選擇做乜？Julia話做番記者冇壞，Raymond忠於自己本業做精算，Cynthia會做科技相關行業，Henry就偏愛監管機構嘞。
李華華
LiWaWa@AppleDaily.com
馬雲誠哥冇人揀
話說噚日係金融科技周，其中一個環節係4間監管機構高層分享對金融科技意見，主持人搞咗個限時搶答遊戲──假設監管機構合併後，大家希望邊個做老細，可以揀馬雲、李嘉誠、Eason。
金管局助理總裁鄭發（Henry）就答Eason，鍾意佢夠freestyle，唔通平時佢老細陳德霖好壓抑？保監局執董譚偉民（Raymond）都係答Eason，想同佢一齊唱歌咁話，積金局執董許慧儀（Cynthia）都係一樣，但冇解釋原因，最爆嘅係證監會執董梁鳳儀（Julia），話3個都唔揀，會繼續為行政總裁歐達禮效力，無言了。
另一條問題係如果4位要幫姪仔選擇職途，究竟做start-up、銀行定監管機構好？Cynthia、Julia、Raymond都話做start-up，Henry就選擇監管機構，因為start-up都要人管㗎，隨即引來全場大笑。
最後一條就非常個人嘅，如果唔做監管機構，究竟大家會選擇做乜？Julia話做番記者冇壞，Raymond忠於自己本業做精算，Cynthia會做科技相關行業，Henry就偏愛監管機構嘞。
李華華
LiWaWa@AppleDaily.com
回應 (0)
