中環在線：羅寶文期待男友識魔術

【蘋果日報】富豪（078）太子女羅寶文乃城中靚女富三代，旗下富豪機場酒店連續十年獲選為全球最佳機場酒店，噚日佢哋大搞慶祝活動，仲有三位魔術師助興。
有在場人士問羅寶文會唔會鍾意男朋友識得變魔術，佢就笑住話，從未試過有男朋友識得變魔術，但如果有男朋友識得變魔術，佢都會十分期待咁話。佢又自嘲蠢，唔會看破魔術；而佢祖母羅杜莉君亦鍾意睇魔術表現。
呢晚羅老太亦有盛裝到場，見佢相當精神，席間不時與兒子羅旭瑞同次女羅鴻鏇交談，有講有笑。
羅寶文形容嫲嫲近期身體健康，頭腦清晰，好多事情都知道，並為富豪機場酒店的成績在今晚感到高興。
李華華
LiWaWa@AppleDaily.com