新聞類別
財經
詳情#
【蘋果日報】謝瑞麟（417）靚太主席謝邱安儀（Annie）同老公謝達峰（Tommy）一向都係鍾意放閃嘅一pair，不過噚日謝太喺中期業績會時終於唔係講老公，而係爆料自己細個最鍾意譚詠麟，「其實譚校長喺我幾歲時已開始聽，我記得佢係我10歲前嘅偶像嚟」，講完仲不禁甜笑，唔知Tommy會唔會呷醋呢。
自爆係兒時偶像
今年集團喺香港開咗兩間新店，分別位於沙田新城市廣場同元朗YOHO，謝太提到，除咗喺創辦人謝瑞麟80歲大壽當日，請譚校長去表演之外，7月亦喺沙田分店開張時邀請佢出席剪綵儀式，當日校長仲同一班工匠落手落腳體驗鑲嵌珠寶過程，「咁當然雞手鴨腳喇搞到，但都好enjoy個過程」。
查實譚校長出咗道成50年，46歲嘅謝太由細聽到佢啲歌大都好合理，但兩個都keep得咁好，所以當佢講到校長係佢兒時偶像時，台下嘅記者都不禁大笑。
另外，作為集團「御用model」嘅謝太噚日亦一如既往着上黑色套裝，再配上閃閃發光嘅鑽飾，佢話個水滴型設計係全人手鑲嵌，條頸鏈、耳環同兩隻戒指夾埋接近100萬港元㗎。
李華華
LiWaWa@AppleDaily.com
自爆係兒時偶像
今年集團喺香港開咗兩間新店，分別位於沙田新城市廣場同元朗YOHO，謝太提到，除咗喺創辦人謝瑞麟80歲大壽當日，請譚校長去表演之外，7月亦喺沙田分店開張時邀請佢出席剪綵儀式，當日校長仲同一班工匠落手落腳體驗鑲嵌珠寶過程，「咁當然雞手鴨腳喇搞到，但都好enjoy個過程」。
查實譚校長出咗道成50年，46歲嘅謝太由細聽到佢啲歌大都好合理，但兩個都keep得咁好，所以當佢講到校長係佢兒時偶像時，台下嘅記者都不禁大笑。
另外，作為集團「御用model」嘅謝太噚日亦一如既往着上黑色套裝，再配上閃閃發光嘅鑽飾，佢話個水滴型設計係全人手鑲嵌，條頸鏈、耳環同兩隻戒指夾埋接近100萬港元㗎。
李華華
LiWaWa@AppleDaily.com
回應 (0)
