新聞類別
財經
詳情#
【蘋果日報】
港股下晝突然急挫，係因為加泰局勢令港股跌？但西班牙宣佈收回加泰自治權，之後西班牙IBEX指數只跌唔夠1%，仲少過港股。究竟係港股過份反映不利因素？定係港股借勢調整？小弟傾向後者，其實整體港股累積弱勢已經一段時間，趨勢似乎未咁快改變，較大可能係Chok住調整，途中最忌多手不斷增減持，隨時變高追低沽。能夠嘅話，保持輕倉，忍為上着。
呢一刻港股Chok住調整，意味住個股有波幅可以炒？或者用一隻最大波幅嘅二三線股融創（1918），去量度吓所謂炒波幅，可以有幾大空間。由周一收市價36.95元去計，大約一日半，股價就衝高去到41元，最多升大約一成，然後股價即市轉弱，唔使兩個鐘打回原形，可以想像嚟緊嘅Chok市，要賺當中嘅波幅係幾咁困難。
未來一兩個月，短線操作上應該係今年最困難嘅日子，短線棄糊鎖定利潤並不為過，做得散戶最棹忌太高估自己，以為炒出炒入可以攞到盡，作為一條魚毛仔，喺波濤洶湧嘅環境狗衝出去搵食，個浪冚咗你去唔知邊度，返家鄉就要花費時間同力氣，反而留喺安全地方，適當時機有把握地衝出去，最終就能更快到達目的地。
晉佳
http://fb.com/advanceguy1
本欄逢周一、三、五刊出
晉佳
港股下晝突然急挫，係因為加泰局勢令港股跌？但西班牙宣佈收回加泰自治權，之後西班牙IBEX指數只跌唔夠1%，仲少過港股。究竟係港股過份反映不利因素？定係港股借勢調整？小弟傾向後者，其實整體港股累積弱勢已經一段時間，趨勢似乎未咁快改變，較大可能係Chok住調整，途中最忌多手不斷增減持，隨時變高追低沽。能夠嘅話，保持輕倉，忍為上着。
呢一刻港股Chok住調整，意味住個股有波幅可以炒？或者用一隻最大波幅嘅二三線股融創（1918），去量度吓所謂炒波幅，可以有幾大空間。由周一收市價36.95元去計，大約一日半，股價就衝高去到41元，最多升大約一成，然後股價即市轉弱，唔使兩個鐘打回原形，可以想像嚟緊嘅Chok市，要賺當中嘅波幅係幾咁困難。
未來一兩個月，短線操作上應該係今年最困難嘅日子，短線棄糊鎖定利潤並不為過，做得散戶最棹忌太高估自己，以為炒出炒入可以攞到盡，作為一條魚毛仔，喺波濤洶湧嘅環境狗衝出去搵食，個浪冚咗你去唔知邊度，返家鄉就要花費時間同力氣，反而留喺安全地方，適當時機有把握地衝出去，最終就能更快到達目的地。
晉佳
http://fb.com/advanceguy1
本欄逢周一、三、五刊出
晉佳
回應 (0)
