新聞類別
財經
詳情#
【蘋果日報】
潮流興共享，無論寫字樓定單車，只要噏得出嘅似乎都可以共享。就連莊士集團太子爺莊家彬（Albert）都有打過共享主意，諗住利用集團旗下嘅工廠大搞共享空間，畀時下年輕人創業。
可惜因為租金、法例等等嘅問題，呢個主意冇乜下文，不過仍然無阻Albert一顆愛創業的心。佢話，莊士家族不時都會投資初創企業，例如係線上支付同金融科技公司等等，而且唔局限於香港，亦會經常北上尋寶，佢仲話香港青年創業家絕不輸蝕。
身為菁英會主席，Albert自然不時同年輕人交流一下，都知道家陣買樓艱難。佢指，政府都好有決心解決上車問題，不過首置盤似乎供應少咗啲，而且推出都要時間喇。至於有乜說話可以鼓勵吓想買樓嘅年輕人？佢諗咗半晌，最終笑笑咁話：「大家要努力自我增值喇。」
李華華
李華華
LiWaWa@AppleDaily.com
潮流興共享，無論寫字樓定單車，只要噏得出嘅似乎都可以共享。就連莊士集團太子爺莊家彬（Albert）都有打過共享主意，諗住利用集團旗下嘅工廠大搞共享空間，畀時下年輕人創業。
可惜因為租金、法例等等嘅問題，呢個主意冇乜下文，不過仍然無阻Albert一顆愛創業的心。佢話，莊士家族不時都會投資初創企業，例如係線上支付同金融科技公司等等，而且唔局限於香港，亦會經常北上尋寶，佢仲話香港青年創業家絕不輸蝕。
身為菁英會主席，Albert自然不時同年輕人交流一下，都知道家陣買樓艱難。佢指，政府都好有決心解決上車問題，不過首置盤似乎供應少咗啲，而且推出都要時間喇。至於有乜說話可以鼓勵吓想買樓嘅年輕人？佢諗咗半晌，最終笑笑咁話：「大家要努力自我增值喇。」
李華華
李華華
LiWaWa@AppleDaily.com
回應 (0)
