樓下街市　豬肉檔林立

【蘋果日報】長實（1113）於2012年擊退七個財團奪得嘉咸街發展項目，建成今日的My Central；項目最大賣點，就是鄰近中環核心區，記者實測由樓盤行去IFC，不用10分鐘；惟樓下是街市區，豬肉檔林立，周邊環境有失豪宅貴氣。


豬肉檔主：區內好多有錢人

記者昨現場直擊，由巷仔卑利街行上去，已聞到陣陣街市肉檔味。My Central周邊屬街市區，正正樓下已有六個檔口賣豬肉及海鮮等，對面亦有一檔豬肉檔。雖然樓下的血淋淋斬豬肉環境或有失豪宅貴氣，但從另一角度看，除了買餸方便，樓盤鄰近中環蘇豪區，食肆林立，衣食住行非常方便，料吸引收租客。


對面文記豬肉檔梁先生表示，勿低估該區購買力，指區內好多有錢人，周邊舊樓被發展商收購，三百呎收購價千萬元，呎價3萬元。他又指向對面菜檔，「呢度賣菜舖租都要10多萬元。」租金貴，樓價怎會平。舊樓都3萬元一呎，My Central賣同樣價錢，貴不貴看自己有沒有錢。梁生自己亦收埋一份樓盤價單及樓書在豬肉檔，並拿給來示意樓盤賣多少錢，他說是幫代理介紹街坊。


現時每斤豬肉平均40至50元，My Central一呎樓價，相當於750斤豬肉。樓盤最煞食賣點，就是位置。記者實測，由樓盤沿半山扶手電梯行去中環IFC，睇錶只是8分鐘。