謝瑞麟靚太讚美國月亮圓

【蘋果日報】零售最近開始復甦，加上早排黃金周撞正中秋節，唔少零售商應該忙過不停，本地珠寶商謝瑞麟（417）亦不例外。主席謝邱安儀（Annie）噚日下午出席一年一度嘅亞太零售研討會，但原來佢朝早先由美國返港，下午就出席活動同業界分享目前奢侈品市場環境，真係勤力。


今年Annie中秋都冇得喺香港過節，不過佢就話，好彩老公謝達峰（Tommy）同佢一齊飛去美國出trip，齊齊喺外國賞月咁話。人哋話外國月亮特別圓，Annie都話今年月亮又大又圓，只係冇得食住月餅賞月，因唔帶得入境。