新聞類別
財經
詳情#
【蘋果日報】金管局去年起批出兩輪儲值支付工具（SVF）牌照，計及銀行共發出16個牌照，事隔一年，部份持牌商已有較清晰的市場定位。香港電訊（6823）支付業務主管梁海儀表示，旗下拍住賞（Tap& Go）行本土路線，以港人為主要用家；兼且「夠年輕」，從初創企業甚至到18歲以下的學生，均為其主攻客戶群，「因為（帶動）新嘅經濟同behavior要由年輕做起。」
記者：溫婉婷 卓茗
對於Tap& Go的發展方向，「年輕」正是要訣。梁海儀稱，改變生活習慣殊不易，電子錢包雖於內地發展一日千里，「但香港唔同，大部份人已習慣現有付款模式，所以有人批評（本港發展落後），但可能一做，就會leap forward（躍進）。」
梁海儀稱，Tap& Go能顧及尚未有信用卡的未成年人士，年輕一族越來越喜愛網購，但未必人人均一卡在手，加上信用卡被盜用時有發生，電子錢包即可迎合這些人的需要。「我哋唔係micropayment，唔係講緊十蚊、廿蚊嘅交易；亦唔係信用卡講緊大額嘅交易，我哋啱啱係中間，又安全。」
家長可用電子錢包付費
她透露，用戶通常增值金額介乎數百元至數千元不等，「當然有人會上網買機票，嗰啲用萬幾蚊我都見到有。」一旦用戶試過覺得安全，下次就會再用。她笑言：「佢哋擺啲錢係（Tap& Go）度，通常一個禮拜就會使晒，名符其實真係一個錢包。」
近月Tap& Go亦嘗試開拓新市場，於學校試行電子付款，全港約50間學校由新學年起支援其電子支付服務。梁海儀稱，家長常常花很多時間處理校務收費，現時校方可經由應用程式通知家長收費項目及金額，家長即可在程式內用錢包付款。「啲賬目一目了然，校方都唔使上堂逐個對，減省行政程序。」她坦言，香港電訊原本已為不少學校提供網絡支援等服務，要與這些校方溝通合作相對容易，加上本地逾千間中小學，市場需求龐大。
雖然獲發牌照超過一年，但事實上，本港電子支付發展仍屬嶄新領域，金管局預計最快明年9月落實快速支付系統，大家都是「摸着石頭過河」。對於本港發展步伐，梁海儀兩次提出「按部就班」，理解本港監管嚴謹，需確保系統穩健才推陳出新。
她坦言，「新世代嘅諗法，好多時候都係trial and error」，產品推出後，收集客戶意見再分析、調整，「唔同以前咁諗晒、做晒research就大力推。」被問到是否滿意過去一年Tap& Go表現時，她頓了一頓，說：「我哋過去一年都不斷學習、聽客戶嘅意見、再微調，都滿意嘅。」
指受惠支付寶HK夥長和
對於支付寶HK與長和（001）合作，Tap& Go是否迎來更大的挑戰？她欣然表示，自金管局發出多張SVF牌照起，明顯有意鼓勵競爭，而該合作對市場有帶頭作用，「造就（電子支付）模式快啲普及，咁我哋都一定得益。」她亦相當憧憬未來市場發展，「我哋呢啲上個年代，一出糧就去ATM㩒錢，拎去使；嚟緊可能好快，一出糧就唔係ATM㩒錢，而喺電子錢包㩒錢出嚟使。」
記者：溫婉婷 卓茗
對於Tap& Go的發展方向，「年輕」正是要訣。梁海儀稱，改變生活習慣殊不易，電子錢包雖於內地發展一日千里，「但香港唔同，大部份人已習慣現有付款模式，所以有人批評（本港發展落後），但可能一做，就會leap forward（躍進）。」
梁海儀稱，Tap& Go能顧及尚未有信用卡的未成年人士，年輕一族越來越喜愛網購，但未必人人均一卡在手，加上信用卡被盜用時有發生，電子錢包即可迎合這些人的需要。「我哋唔係micropayment，唔係講緊十蚊、廿蚊嘅交易；亦唔係信用卡講緊大額嘅交易，我哋啱啱係中間，又安全。」
家長可用電子錢包付費
她透露，用戶通常增值金額介乎數百元至數千元不等，「當然有人會上網買機票，嗰啲用萬幾蚊我都見到有。」一旦用戶試過覺得安全，下次就會再用。她笑言：「佢哋擺啲錢係（Tap& Go）度，通常一個禮拜就會使晒，名符其實真係一個錢包。」
近月Tap& Go亦嘗試開拓新市場，於學校試行電子付款，全港約50間學校由新學年起支援其電子支付服務。梁海儀稱，家長常常花很多時間處理校務收費，現時校方可經由應用程式通知家長收費項目及金額，家長即可在程式內用錢包付款。「啲賬目一目了然，校方都唔使上堂逐個對，減省行政程序。」她坦言，香港電訊原本已為不少學校提供網絡支援等服務，要與這些校方溝通合作相對容易，加上本地逾千間中小學，市場需求龐大。
雖然獲發牌照超過一年，但事實上，本港電子支付發展仍屬嶄新領域，金管局預計最快明年9月落實快速支付系統，大家都是「摸着石頭過河」。對於本港發展步伐，梁海儀兩次提出「按部就班」，理解本港監管嚴謹，需確保系統穩健才推陳出新。
她坦言，「新世代嘅諗法，好多時候都係trial and error」，產品推出後，收集客戶意見再分析、調整，「唔同以前咁諗晒、做晒research就大力推。」被問到是否滿意過去一年Tap& Go表現時，她頓了一頓，說：「我哋過去一年都不斷學習、聽客戶嘅意見、再微調，都滿意嘅。」
指受惠支付寶HK夥長和
對於支付寶HK與長和（001）合作，Tap& Go是否迎來更大的挑戰？她欣然表示，自金管局發出多張SVF牌照起，明顯有意鼓勵競爭，而該合作對市場有帶頭作用，「造就（電子支付）模式快啲普及，咁我哋都一定得益。」她亦相當憧憬未來市場發展，「我哋呢啲上個年代，一出糧就去ATM㩒錢，拎去使；嚟緊可能好快，一出糧就唔係ATM㩒錢，而喺電子錢包㩒錢出嚟使。」
回應 (0)
