囡囡10歲生日凍齡翁虹：她一定陪著我們到老

【蘋果日報】1989年亞姐冠軍翁虹早年以性感形象走紅，之但係佢曾因拍三級片被親友唾罵，一度同家人斷絕關係，坦言後生嗰陣，單純未懂事，唔知道拍三級片會為家人帶嚟傷害，後來嫁富商伍偉傑淡出幕前，可惜婚姻僅維持2年，之後翁虹認識現任老公劉冠廷，二人拍拖4個月即閃婚，結婚10年，二人育有一女劉蒔(Crystal)，依舊甜蜜，間唔中就喺微博貼出家庭相，享受天倫之樂，亦有接拍大陸片。
翁虹昨日在微博貼出囡囡10歲生日P嘅相，留言：「猶記得上回水晶在北京過生日已經是5年前了！難得這次有機會水晶再回到這個出生地順道給她過一個簡單溫馨的10歲生日小聚會！謝謝各位叔叔阿姨哥哥姐姐們對水晶的生日祝福和禮物！你們看著她長大，她一定陪著我們到老！」相中雖然有啲PS味，不過翁虹算係keep得幾好，而囡囡Crystal個樣就比較似爸爸多啲。