專家：Rex走位好　贏點數合理　全城叫encore　星如河野有望重賽

【蘋果日報】全城欲看下集大結局。主角是香港不敗拳王曹星如（Rex）及日籍前世界拳王河野公平，兩人前晚在會展舉行的「王者對決3」，因雙方意外頭撼頭，令Rex左眼腫如雞蛋，最後拳證要提早終止比賽，結果勇戰到第7回合下的Rex以點數取勝。難得12回合大戰只打了一半，落敗的河野及不少拳迷都希望會重賽；當日為比賽客席旁述的世界拳王向柏榮認為，兩人大有機會再打一次。
記者：徐嘉華
現年30歲的Rex，平日捱得住艱辛訓練，可是前晚勝出之後，卻忍不住在全場8,000名觀眾面前哭出來，台上一句：「喺第四回合我隻眼痛到想跪喺度，超級痛呀！但我都堅持住！」即時獲得全場掌聲。
Ig報平安　「停比賽即爆粗」
Rex這股不服輸、肯堅持的香港精神令他人見人愛；22連勝的代價是賽後即送到醫院治療，一度擔心骨折，幸好昨晨即在Instagram（Ig）報平安。「我喺度同大家報個平安先，我已經返到屋企啦，昨（前）天經過醫生檢查，冇咩大礙，要等啲腫消，超碼兩星期」。Rex說到拳賽被叫停時，平時斯文的他也爆粗，貼文寫着：「第7回合開始前，裁判決定終止比賽，我立刻爆出一句：『Sh*t』，開始崩潰了。」比賽當晚趕忙送院，Rex原本今日跟傳媒見面，但醫生建議他休息一星期才見傳媒。
今次比賽在第7回合叫停，3名裁判均判Rex以68:66點數取勝後；不少網民都指Rex看來處下風，不明白如何計分。來自澳門的WBO（世界拳擊組織）亞太區委員及國際拳證于健亨（Samson），當天也在現場，他說結果十分合理，「喺第六回合醫生睇到星如隻眼腫到睇唔到嘢，以安全為由宣佈停賽係合理不過；而根據WBO賽例，喺12回合嘅比賽，只要完成4個回合，裁判就會以雙方嘅score card計分，當時比數係全部3個裁判都判星如贏」。他指3名裁判來自菲律賓及日本，經驗豐富。賽後計分紙在網上瘋傳，後來Rex總教練劉志遠證實是真的。
曾贏得世界冠軍的「轟炸機」向柏榮師傅前日為比賽旁述，他坦言重賽是廣大拳迷最想看到的，「今次比賽，星如充份發揮到佢身高同手長嘅優勝，左右疾步走位做得好好，令對手好難埋身緊迫，星如係值得以點數勝出；但呢場12回合嘅比賽始最後只打咗一半，河野公平未完全表現出嚟，因為佢慣性戰術係留前鬥後，喺最後階段趁對手冇力嗰陣做反擊，所以今仗未睇完全部12回合，結果未知，重賽會係大家都覺得幾開心嘅事」。向柏榮建議Rex若真的再戰河野，要加強抗打能力及變速體能，而他還是看好Rex的勝算較高。
河野：港觀眾像紳士
至於河野昨日離港前接受訪問，表示很欣賞香港觀眾紳士般的支持：「觀眾多達8,000人，就似世界拳王戰一樣。我起初想像進場時會有噓聲四起，但每個人都像一個紳士。即使比賽結束，我也獲得浩大的歡呼聲。」河野公平明言希望再戰，是否落實仍待兩邊拳館磋商。
Rex所屬的DEF Promotions，其拳擊賽事推廣人兼Rex總教練劉志遠表示會留給Rex決定是否重賽，他昨日在個人fb詢問網友意見，寫上：「各位，請留言講講星如同河野重賽的意見，重賽，還是不重賽？」得到的反應大致都想看重賽。