中環在線：一田一姐踩2.4公里想跪低

【蘋果日報】噚日單車節參加者係歷屆最多，達到4,900人，又增設「總裁慈善及名人單車遊賽事」，合共有22位名人參加，包括新地執董董子豪、東亞銀行（023）副總裁唐漢城、一田百貨行政總裁黃思麗（Susanna）、包浩斯（483）行政總裁黃銳林等。
唔講唔知，原來Susanna已經係第二年參賽，佢都算坦白，自爆本身「零運動」，所以就算今屆賽程縮短約一半，只得2.4公里，佢踩兩個圈已經好辛苦，佢講笑咁話，去到終點時，已經即刻想跪低：「2.4k對其他人來講可能好簡單，但對我來講好攰！」
Susanna仲話，單車節係一年一次提醒自己要多啲做運動，以後都會多啲帶狗仔去行山，鍛鍊身體。
講起新地另一代表作，12月3號舉行嘅「垂直跑」，Susanna笑言無能力參加，只能做啦啦隊為一田同事打氣嘞。呢位CEO認真可愛呀。
李華華
LiWaWa@AppleDaily.com