新聞類別
港聞
詳情#
【蘋果日報】香港父母最現實，怕兒女追「不設實際」的夢，最好天生勤力讀書，矢志做三師或李嘉誠，但黃暉這個非常父親，卻剛好相反。女兒讀中二，已送她到湖南長沙學木偶戲，寄望她學成回港可助失傳手藝發揚光大。一條窄路走了10年，父女同訪，女兒鏡頭前一句：「呢個係佢（父親）夢想，唔係我夢想。」無比震撼。一念之間，主宰女兒前路，父親一面疚歉：「希望個女唔好怪我。」我愛你對不起統統欠奉，偶爾臭面卻又互相關心，含蓄的東方式父女情，五味紛陳。
記者：呂麗嬋
以為是個父女檔的傳承故事，卻原來，是一個女兒為父親圓夢的家庭故事。有嚴父、有孝女，有默默支持的慈母。月前的西九自由約，本土藝術家獲邀獻技同樂，以黃暉掛帥的劇團，全家總動員。「隻木偶好得意，識眨眼㗎」，路過小男孩，捉着媽媽的手大叫。這樣公開演出機會，64歲的黃暉說，在香港買少見少。師承著名中國偶戲大師黃奕缺，父女檔去過西班牙、意大利、伊朗和新加坡表演；回到他夢繫的香港，這個港產木偶大師直言，反而門庭冷落。
一去5年 主修杖頭木偶古箏
「同行師兄弟中，只剩我仍在經營劇團」。一門今日被認定「不合時宜」的藝術，這個擔任過多套電影技藝顧問，連劉德華亦做過他學生的大師，堅持了40年。曾幾何時，為餬口一度轉行做地盤工，劇團散班，一次久違了的湖南行，改變了他和女兒的命運。「湖南偶劇全國知名，返去見到好多老師傅，佢哋話連你都轉行，呢門藝術遲早都冇」。剛好遇上當地藝術學院招生，自覺若不負傳承重責愧對師門，一咬牙，送最錫的女兒到湖南學藝，重組劇團破釜沉舟。
其時，女兒才不過13歲。「係好唔捨得，佢咁大個，未離開過我半步，但連自己個女都唔送佢去學，點叫其他人學？」內地父母拼盡送子女到香港上學，他卻反其道，黃暉直言，身邊人都反對，只有他一意孤行。每日一電話，牽腸掛肚，一去5年，主修杖頭木偶和古箏。「嗰時係好唔想去，但爸爸好想我去」。黃慧真是藝術學校內唯一的香港人，年紀最小，不抗拒但也談不上很喜歡，半推半就，被送到湖南藝術學校，從零開始學習掌中木偶，由手指操練基本功學起。
「最初係好唔習慣，喺內地要住宿舍，一起身一定要摺被，又要輪流清潔同洗衫」。中港兩地學習環境大異，內地中專有早自習和晚自習課，統統都得重新適應。一去5年，2007年回港，剛好18歲，銜接不了香港大專院校，小妮子是香港唯一受過專業訓練的年輕偶劇演員，順理成章加入劇團，父女兵上陣。「冇人勸得佢聽，木偶劇演出唔穩定收入又唔多，同代人得佢仍堅持，屋企人唔幫佢，仲有邊個幫佢？呢個女由細已經好乖，好錫老竇，不過把口就好硬」，黃媽媽細細聲對記者說。
寫計劃書爭取撥款、巡迴中小學主持工作坊，有時晚上演出至深夜，早上7時又得到學校教班，太辛苦沒好面色，手腳卻沒一刻停下來。「我係好乖，應該係太乖」，28歲的黃慧真，自嘲似的苦笑。你知道爸爸的理想？「梗知，佢頭先咪同你講囉」。那有和你講嗎？「咁又冇喎」。對上有一個大3年的哥哥，對下還有一個妹妹，只有她，繼承父親志願。「屋企啲木偶，我死咗咪又係留畀佢！」女兒聽着沒好氣：「佢都冇問我想唔想要。」兩父女，儼如歡喜冤家。
「條路好難行好辛苦……」黃暉幽幽的說。偶有摩擦，卻無隔夜仇，慧真說：「其實我一直好清楚，嗰個係佢（爸爸）夢想，唔係我嘅夢想」。那你的夢想是甚麼？記者忍不住問，小妮子沉默一陣：「以前唔會諗，依家冇得諗」。異常的坦白，在旁的爸爸，聽着沒出聲。黃暉的一雙巧手，可掌控木偶悲喜，甚至他一度以為，可代女兒規劃人生，只是在現實世界裏，卻逃不過時代巨輪。
「好似食咗白粉咁 好後悔」
生於木偶之鄉福建，就像上一代的新香港人，文革、反右，70年代經歷內地連場政治運動洗禮。「我祖母係地主、爸爸係校長，成份唔好」，家庭背景，在扭曲的年代，是原罪，只有戲劇，讓他忘我：「嗰時喺內地睇嘅，都係樣板戲，有次有個木偶劇團罕有嚟演出，萬人空巷，瘋狂過依家啲人見到劉德華」。童年印象根深蒂固，73年移居香港，機緣巧合，跟隨同樣流落香港的已故偶戲大師黃奕缺學藝，夢想成真。
「邊學邊做，嗰時喺美麗華夜總會表演，遊艇、酒店，好多戶外演出」。那是香港最多大陸移民的年代、那是貧窮但充滿機會的年代，一個個經典偶戲劇目，曾幾何時，解下無數鄉愁。「好多戲，只有香港先睇到」。他說：「到90年代已走下坡，娛樂多咗，內地亦改革開放。」沒人看古老的偶戲，取而代之是樓市興旺，為了餬口，黃暉一度放下線架，轉行做地盤。原本一直這樣走下去，也嚐盡香港經濟起飛的甜頭，但他就是對木偶念念不忘。 「好似食咗白粉咁，諗番係好後悔，好似害咗個女，學嘅嘢太專。」黃暉說。倒是女兒比他更釋懷：「學得耐係有咗感情，呢門藝術，值得畀更多香港人認識，最多教吓古箏幫補吓」。創作與西方木偶劇結合的新《木偶奇遇記》，與時並進；又積極走進學校，藉有趣的互動劇場，鼓勵學生參與創作，踢走中國偶戲等於老土的偏見。由當年「半推半就」到今日主動與老父同行，一條窄路，仍然難行，但父女檔異口同聲：一家人行，至少並不孤單。
記者：呂麗嬋
以為是個父女檔的傳承故事，卻原來，是一個女兒為父親圓夢的家庭故事。有嚴父、有孝女，有默默支持的慈母。月前的西九自由約，本土藝術家獲邀獻技同樂，以黃暉掛帥的劇團，全家總動員。「隻木偶好得意，識眨眼㗎」，路過小男孩，捉着媽媽的手大叫。這樣公開演出機會，64歲的黃暉說，在香港買少見少。師承著名中國偶戲大師黃奕缺，父女檔去過西班牙、意大利、伊朗和新加坡表演；回到他夢繫的香港，這個港產木偶大師直言，反而門庭冷落。
一去5年 主修杖頭木偶古箏
「同行師兄弟中，只剩我仍在經營劇團」。一門今日被認定「不合時宜」的藝術，這個擔任過多套電影技藝顧問，連劉德華亦做過他學生的大師，堅持了40年。曾幾何時，為餬口一度轉行做地盤工，劇團散班，一次久違了的湖南行，改變了他和女兒的命運。「湖南偶劇全國知名，返去見到好多老師傅，佢哋話連你都轉行，呢門藝術遲早都冇」。剛好遇上當地藝術學院招生，自覺若不負傳承重責愧對師門，一咬牙，送最錫的女兒到湖南學藝，重組劇團破釜沉舟。
其時，女兒才不過13歲。「係好唔捨得，佢咁大個，未離開過我半步，但連自己個女都唔送佢去學，點叫其他人學？」內地父母拼盡送子女到香港上學，他卻反其道，黃暉直言，身邊人都反對，只有他一意孤行。每日一電話，牽腸掛肚，一去5年，主修杖頭木偶和古箏。「嗰時係好唔想去，但爸爸好想我去」。黃慧真是藝術學校內唯一的香港人，年紀最小，不抗拒但也談不上很喜歡，半推半就，被送到湖南藝術學校，從零開始學習掌中木偶，由手指操練基本功學起。
「最初係好唔習慣，喺內地要住宿舍，一起身一定要摺被，又要輪流清潔同洗衫」。中港兩地學習環境大異，內地中專有早自習和晚自習課，統統都得重新適應。一去5年，2007年回港，剛好18歲，銜接不了香港大專院校，小妮子是香港唯一受過專業訓練的年輕偶劇演員，順理成章加入劇團，父女兵上陣。「冇人勸得佢聽，木偶劇演出唔穩定收入又唔多，同代人得佢仍堅持，屋企人唔幫佢，仲有邊個幫佢？呢個女由細已經好乖，好錫老竇，不過把口就好硬」，黃媽媽細細聲對記者說。
寫計劃書爭取撥款、巡迴中小學主持工作坊，有時晚上演出至深夜，早上7時又得到學校教班，太辛苦沒好面色，手腳卻沒一刻停下來。「我係好乖，應該係太乖」，28歲的黃慧真，自嘲似的苦笑。你知道爸爸的理想？「梗知，佢頭先咪同你講囉」。那有和你講嗎？「咁又冇喎」。對上有一個大3年的哥哥，對下還有一個妹妹，只有她，繼承父親志願。「屋企啲木偶，我死咗咪又係留畀佢！」女兒聽着沒好氣：「佢都冇問我想唔想要。」兩父女，儼如歡喜冤家。
「條路好難行好辛苦……」黃暉幽幽的說。偶有摩擦，卻無隔夜仇，慧真說：「其實我一直好清楚，嗰個係佢（爸爸）夢想，唔係我嘅夢想」。那你的夢想是甚麼？記者忍不住問，小妮子沉默一陣：「以前唔會諗，依家冇得諗」。異常的坦白，在旁的爸爸，聽着沒出聲。黃暉的一雙巧手，可掌控木偶悲喜，甚至他一度以為，可代女兒規劃人生，只是在現實世界裏，卻逃不過時代巨輪。
「好似食咗白粉咁 好後悔」
生於木偶之鄉福建，就像上一代的新香港人，文革、反右，70年代經歷內地連場政治運動洗禮。「我祖母係地主、爸爸係校長，成份唔好」，家庭背景，在扭曲的年代，是原罪，只有戲劇，讓他忘我：「嗰時喺內地睇嘅，都係樣板戲，有次有個木偶劇團罕有嚟演出，萬人空巷，瘋狂過依家啲人見到劉德華」。童年印象根深蒂固，73年移居香港，機緣巧合，跟隨同樣流落香港的已故偶戲大師黃奕缺學藝，夢想成真。
「邊學邊做，嗰時喺美麗華夜總會表演，遊艇、酒店，好多戶外演出」。那是香港最多大陸移民的年代、那是貧窮但充滿機會的年代，一個個經典偶戲劇目，曾幾何時，解下無數鄉愁。「好多戲，只有香港先睇到」。他說：「到90年代已走下坡，娛樂多咗，內地亦改革開放。」沒人看古老的偶戲，取而代之是樓市興旺，為了餬口，黃暉一度放下線架，轉行做地盤。原本一直這樣走下去，也嚐盡香港經濟起飛的甜頭，但他就是對木偶念念不忘。 「好似食咗白粉咁，諗番係好後悔，好似害咗個女，學嘅嘢太專。」黃暉說。倒是女兒比他更釋懷：「學得耐係有咗感情，呢門藝術，值得畀更多香港人認識，最多教吓古箏幫補吓」。創作與西方木偶劇結合的新《木偶奇遇記》，與時並進；又積極走進學校，藉有趣的互動劇場，鼓勵學生參與創作，踢走中國偶戲等於老土的偏見。由當年「半推半就」到今日主動與老父同行，一條窄路，仍然難行，但父女檔異口同聲：一家人行，至少並不孤單。
回應 (0)
