新聞類別
港聞
詳情#
【蘋果日報】「OK！冇問題。呢啲難唔到我嘅！」65歲的雄哥吳志雄，在旅發局攝製的單車節宣傳片上雄心壯志，殊料縱橫九龍橫街窄巷30年的他，卻被指不熟悉公路賽規則，昨晚被DQ，緣盡今日舉行的年度盛事香港單車節。雄哥上月獲「亞洲車神」黃金寶邀請參賽，屬罕有的高齡參賽者，可惜昨晚試車時被篩走未能作賽。
記者：梁佩珊
舊區唐樓林立，家家戶戶仍沿用石油氣，單車上掛着多罐石油氣的師傅，身手敏捷穿梭於車如流水的馬路，避過前面路人，躲過後面貨車，觸目驚心的風景卻是旺角橫街的常態。雄哥雖已屆花甲之年，卻聲如洪鐘，「我最多可以載7至8罐石油氣，每罐30幾公斤，連重近80公斤嘅單車，負重300幾公斤送石油氣都冇甩拖」，普通人連推也推不動的逾50年歷史英國製三槍牌單車，他輕鬆踩着腳踏穿越旺角廣東道，最遠可南至尖東麼地道，北至深水埗嘉頓中心，即約3公里路程。
「上個月黃金寶嚟踩我架單車，世界級都掌控唔到我架車，幾百公斤你估假㗎，我平衡到喺幾十年超技術，差佬見到都問我係咪表演雜技」，雄哥於鏡頭後，對自己的踩車技術引以為傲。他於鏡頭前謙卑稱應邀參加單車節只為陪襯，「我尾二都當自己贏，人哋係世界級高手啊，我只係小人物」，在旁看着他的反應也覺可愛。
被指不熟公路賽規則
雄哥10多歲從澳門來港謀生，20歲起踩單車送啤酒、送米、送石油氣，由月薪750元做到約1萬元，多數同時運送約4罐石油氣，每日來回旺角內街30次達11小時，養大一子一女，「我送石油氣養大仔女，成家立室，完成責任好自豪㗎，喺度送石油氣，個個街坊都識，唔做會唔捨得」。
雄哥說，每日送石油氣既是滿足感，亦是責任感，「街坊煮飯冇石油氣，我只要一到就幫到佢哋，為大家服務，人哋可以因為我食餐開心飯，我好大滿足感，亦係一份責任感，一call即到」。子女勸他退休，但他從不言休，「唔係為錢，而係我真係做得好開心」。
他表明已屆高齡，報名參加30公里短程賽事原本只是志在參與，「我冇練過車，踩咗幾十年，到時一落場就識踩㗎啦」。不幸地，昨晚主辦單位安排試車時，他被指不熟公路賽規則，未按指示行車而多次犯規，慘被取消資格。氣急敗壞的他大喊感到失望，「踩咗幾十年，我原本充滿信心，諗住同黃金寶再次握手，佢叫我參賽㗎嘛，依家被判極刑，我一定要去搵黃金寶算賬！」
記者：梁佩珊
舊區唐樓林立，家家戶戶仍沿用石油氣，單車上掛着多罐石油氣的師傅，身手敏捷穿梭於車如流水的馬路，避過前面路人，躲過後面貨車，觸目驚心的風景卻是旺角橫街的常態。雄哥雖已屆花甲之年，卻聲如洪鐘，「我最多可以載7至8罐石油氣，每罐30幾公斤，連重近80公斤嘅單車，負重300幾公斤送石油氣都冇甩拖」，普通人連推也推不動的逾50年歷史英國製三槍牌單車，他輕鬆踩着腳踏穿越旺角廣東道，最遠可南至尖東麼地道，北至深水埗嘉頓中心，即約3公里路程。
「上個月黃金寶嚟踩我架單車，世界級都掌控唔到我架車，幾百公斤你估假㗎，我平衡到喺幾十年超技術，差佬見到都問我係咪表演雜技」，雄哥於鏡頭後，對自己的踩車技術引以為傲。他於鏡頭前謙卑稱應邀參加單車節只為陪襯，「我尾二都當自己贏，人哋係世界級高手啊，我只係小人物」，在旁看着他的反應也覺可愛。
被指不熟公路賽規則
雄哥10多歲從澳門來港謀生，20歲起踩單車送啤酒、送米、送石油氣，由月薪750元做到約1萬元，多數同時運送約4罐石油氣，每日來回旺角內街30次達11小時，養大一子一女，「我送石油氣養大仔女，成家立室，完成責任好自豪㗎，喺度送石油氣，個個街坊都識，唔做會唔捨得」。
雄哥說，每日送石油氣既是滿足感，亦是責任感，「街坊煮飯冇石油氣，我只要一到就幫到佢哋，為大家服務，人哋可以因為我食餐開心飯，我好大滿足感，亦係一份責任感，一call即到」。子女勸他退休，但他從不言休，「唔係為錢，而係我真係做得好開心」。
他表明已屆高齡，報名參加30公里短程賽事原本只是志在參與，「我冇練過車，踩咗幾十年，到時一落場就識踩㗎啦」。不幸地，昨晚主辦單位安排試車時，他被指不熟公路賽規則，未按指示行車而多次犯規，慘被取消資格。氣急敗壞的他大喊感到失望，「踩咗幾十年，我原本充滿信心，諗住同黃金寶再次握手，佢叫我參賽㗎嘛，依家被判極刑，我一定要去搵黃金寶算賬！」
回應 (0)
