懶理被批外形唔登對郭藹明陪住劉青雲拎影帝

【蘋果日報】娛樂圈一向都被人稱為最瞬息萬變嘅舞台，前一分鐘你可能寂寂無名，但係下一秒你亦可能華麗轉身變成萬眾矚目嘅明星，而喺電影圈當中，有唔少已經成為影帝級人馬嘅實力派演員，當年都係一步一步由低做起，好似梁家輝咁，雖然一早已經得到金像獎影帝嘅殊榮，但係就要面對台灣封殺，好彩一路以嚟都有老婆喺佢背後支持，先可以由谷底走出，更加成為一個戲路極廣嘅演員，到咗今時今日都有唔少觀眾鍾意睇佢嘅作品，特別係喜劇更加係令人懷念，除咗梁家輝之外，其實圈中都有唔少實力派演員有類似嘅經歷。
周潤發
人氣鼎盛嘅發哥，曾經都有未紅嘅時候，直至拍《英雄本色》人氣開始上揚，更加嬴得影帝殊榮，除咗「Mark哥」之外，發哥拍喜劇亦都叫好叫座，而無論發哥係咪影帝，發嫂都一路陪係發哥身邊直至o依家，真係羨煞旁人。
劉青雲
郭藹明同劉青雲今時今日係圈中數一數二嘅模範夫妻，兩人因為拍《大時代》而認識，不過其實當年兩人拍拖嗰陣不被外界睇好，仲話兩人唔襯，不過郭藹明一路都不離不棄，兩人早喺98年結婚，婚後郭藹明一路都支持老公嘅電影事業，而戲路甚廣嘅劉青雲喺06年憑《我要成名》奪得影帝寶座。
張家輝
早喺亞視年代，張家輝就已經同當時嘅亞視當家花旦關詠荷拍拖，兩人喺03年結婚，育有一女，張家輝由電視開始就已經展露才華，到後來被王晶拉去拍喜劇，成功造就「化骨龍」呢個經典角色，及後越拍戲路就越廣，09年憑《証人》嬴得金像影帝。
杜汶澤
早年喺亞視做下配角嘅杜汶澤就已經同田蕊妮係一對，兩人兜兜轉轉喺05年結婚，杜汶澤早喺99年已經接觸電影行業，不過一路以嚟都係配角居多，直至02年嘅《無間道》，同樣係配角，不過傻強一角就令佢備受注目，更加提名金像獎最佳男配角，自此佢電影嘅戲份就越拍越多，雖然仲未拎到影帝，但係佢喺12年憑《DIVA華麗之後》喺香港電影評論學會拎到最佳男演員獎。