陀B趙胤熙好幸福一個舉動證李東健嫁得過

【蘋果日報】現年37歲嘅韓劇《巴黎戀人》男星李東健，今年5月同劇集《月桂樹西裝店的紳士們》嘅34歲拍檔趙胤熙奉子成婚，當時李東健表示已經與趙胤熙成為夫妻，因仲有工作喺手，所以婚禮就延至上月29號才舉行。
而日前李東健同趙胤熙有公開當日嘅婚照，而婚禮嘅化妝師亦於噚日公開咗當日婚禮嘅花絮照，只見穿上韓式禮服嘅一對新人好鬼登對，當中可見李東健對愛妻無微不至，除咗全程拖實老婆手外，唔知老婆係唔係喊凍，只見李東健即體貼地為愛妻披上外套。唔少網民睇完呢輯相都話羨慕趙胤熙咁鬼幸福，仲話單憑李東健體貼為老婆披外套呢個舉動，就可以證明李東健真係嫁得過。