新聞類別
娛樂
詳情#
【蘋果日報】袁偉豪上年11月宣佈同拍拖三年嘅岑杏賢（Jennifer）分手，相隔九個月認戀同樣係港姐出身嘅張寶兒。噚日袁偉豪新歡舊愛同場現身將軍澳活動，活動上，佢哋被安排一齊整賀卡，睇吓合拍度，岑杏賢顯得有啲生硬。啱啱同男友遊完日本叉電嘅張寶兒，問到被指為「處女黨」新成員，佢直認係基督徒，張寶兒話：「我知自己底線，知自己做乜，唔應該畀『底線』兩個字框住係唔係處女嘅問題，其實其他底線更難堅守，我對自己有好高要求。」
家人讚有承擔
活動後，張寶兒被問同男友舊愛同場有冇尷尬？佢吓一聲話：「尷尬？你講我同Jennifer？我唔特別覺得尷尬，反而身邊人覺得尷尬，咁我哋都係公司同事，其實有好多次機會，大家都見過面，只不過今次係第一次喺公開場合。」
報道講到佢同袁偉豪嘅關係女尊男卑，張寶兒即護男友話：「唔會呀！佢都見過我屋企人，我屋企人都好欣賞佢，我哋覺得佢係有承擔、有前途、有為嘅青年，相信佢有能力照顧身邊人，係好好嘅男人。」張寶兒又話男友依家喺布拉格做嘢，知佢出席活動，有叫佢加油同good show。
已經見過兩次
岑杏賢話同張寶兒見面唔尷尬，又話已見過兩次，仲話佢哋大方拍拖係好事，會寄予祝福。至於之前影到佢同顧紀筠囝囝陳浚霆約會，佢話：「影咗好耐，仲以為唔出，嗰次係去睇戲啫！」岑杏賢強調依家單身，一切順其自然。
撰文：馮仁昭
家人讚有承擔
活動後，張寶兒被問同男友舊愛同場有冇尷尬？佢吓一聲話：「尷尬？你講我同Jennifer？我唔特別覺得尷尬，反而身邊人覺得尷尬，咁我哋都係公司同事，其實有好多次機會，大家都見過面，只不過今次係第一次喺公開場合。」
報道講到佢同袁偉豪嘅關係女尊男卑，張寶兒即護男友話：「唔會呀！佢都見過我屋企人，我屋企人都好欣賞佢，我哋覺得佢係有承擔、有前途、有為嘅青年，相信佢有能力照顧身邊人，係好好嘅男人。」張寶兒又話男友依家喺布拉格做嘢，知佢出席活動，有叫佢加油同good show。
已經見過兩次
岑杏賢話同張寶兒見面唔尷尬，又話已見過兩次，仲話佢哋大方拍拖係好事，會寄予祝福。至於之前影到佢同顧紀筠囝囝陳浚霆約會，佢話：「影咗好耐，仲以為唔出，嗰次係去睇戲啫！」岑杏賢強調依家單身，一切順其自然。
撰文：馮仁昭
回應 (0)
