啤梨願俾準老婆食住

【蘋果日報】今年43歲的DJ葉文輝（啤梨）早前向拍拖4年的圈外女友Michelle求婚成功，明年拉埋天窗。日前二人齊齊整燈籠，首個愛情結晶品正式面世！啤梨說：「我哋好少一齊學做一樣嘢，所以試吓一齊整燈籠，真正嘅愛情結晶品就順其自然啦！」啤梨又表示與Michelle會趁中秋這幾天假期快閃旅行，為二人儲多些甜蜜照片。


啤梨和Michelle製作一個豬和老虎混合體燈籠，啤梨笑言：「因為Michelle生肖係豬，我係虎，我成日笑佢扮豬食老虎，所以整個混合體就最好喇！」問啤梨將來是否想Michelle負責做煮飯婆時，Michelle即哈哈笑說只懂煲一些簡單湯水，反而啤梨試過慢煮牛扒氹女友。


採訪：小米