李思欣連傷三次要祈福

【蘋果日報】李思欣與泰國通胡慧沖昨日在荃灣，出席泰國水燈節體驗活動。上星期李思欣在銅鑼灣使用扶手電梯時發生意外，跌傷右膝縫了5針。今日她以一襲粉紅色露肩連身裙亮相，右腳仍貼有膠布，行時都見到她有微枴，她說：「傷口仲係好緊，行路時都要就住就住，只可以微曲，因為驚會爆傷口。」


思欣透露10日後會到醫院拆線，但中間就要跟老公到上海擔任司儀。在飲食方面她表示要戒口：「要全面戒口，海鮮、牛肉同蛋都唔可以食，朋友話最緊要係搽多啲堅果油。」思欣謂老公沒有替自己洗澡，但出入會很小心扶實自己。在短期內思欣已連傷3次，她笑言會考慮去拜神祈福。至於昨晚的中秋節，會跟友人燒烤慶祝度過，但就只可以吃腸仔及看別人玩。


採訪、攝影：盧妹