【馮仁昭四圍超】Eason劇集襯咱家歌

【蘋果日報】陳奕迅（Eason）最近為ViuTV拍音樂劇集《短暫的婚姻》，下周一就播喇！真是破天荒，根據資料顯示Eason係冇正式拍過劇，而過去Eason喺公仔箱出現，多數都係出席音樂節目或者一啲大型嘅綜藝節目，劇集都只係試過客串吓，今次都算係佢第一次真正參與拍劇，而今次拍攝嘅音樂劇集，主要係配合Eason將推出嘅全新國語專輯，佢仲搵咗老友郭偉亮（Eric Kwok）、蔡思韵、蔡潔主演，並由《點五步》導演陳志發監製執導、舞台劇編劇莊梅岩編寫呢個動人嘅故事。
倫敦拍外景
一連五集嘅故事，發生喺一幢三層唐樓，內容講述Eason演嘅Glen與住同一大廈Eric Kwok演嘅Terry及蔡思韵演嘅太太Melena之間嘅故事。為咗有更好嘅效果，製作團隊仲遠赴倫敦取景，而Eason國語專輯新歌都會貫穿整套劇集，實行邊聽歌邊煲劇囉！
撰文：馮仁昭