王浩信鍾意YoYo多愁善感

【蘋果日報】王浩信和陳自瑤（YoYo）2011年奉女成婚，結婚6年多，近日又傳出亮起紅燈，有指王浩信被爆組人夫獵食團「三劍俠」，但表面上稱工作太忙，經常不返屋企，兩公婆更加聚少離多，有指王浩信已搬出愛巢。日前他出席活動時，堅稱冇分居，只是工作忙冇時間陪老婆；但是近日又有報道指，王浩信開車到蔡思貝北角新居短敍兩小時。


前晚王浩信返回電視城開工時，被傳媒追訪時回應：「唔好屈得就屈啦，我哋嗰時拍《溏心3》，我睇到張相係我拍《溏心3》嗰時泊喺嗰度，佢都冇拍《溏心3》。」講到太太YoYo在社交網站指自己有陰影，而陽光在不遠處，王浩信對太太的留言有另一番解讀：「佢係比較多愁善感，我亦都係鍾意佢呢樣嘢，所以大家唔好再胡亂猜測。」


撰文：非非