新聞類別
娛樂
詳情#
【蘋果日報】楊千嬅今年12月23日至26日在紅館舉行個唱，昨日在尖沙嘴舉行記者會，同場宣佈加開12月29日至1月1日四場，共演出八場個唱。千嬅這個檔期本是劉德華的，但華仔因今年1月在泰國拍廣告時不慎墮馬，造成盆骨撕裂，情況嚴重，無奈要取消這跨年個唱，紅館檔期空了出來，東亞娛樂就建議千嬅填補部份檔期。
希望開足十場
昨日千嬅受訪時，表示能夠開跨年演唱會，可以與歌迷一起歡度聖誕與新年，是人生最大紀念價值，會好好珍惜，問她會否再加開多兩場，湊足十場，她笑說：「我梗係想開得幾多得幾多啦，不過公司驚我辛苦，因為依家已經開八場，之前最高紀錄都只係開七場。」
為了今次個唱，千嬅又開始地獄式減肥，她說：「呢段時間會注意飲食，另外依家跟教練玩一個戶外嘅健身器械，想練吓心肺功能，呢個健身器械係美國專業運動員用開。試過用嗰陣，喺條街畀漁農處截停，話要影相做record，我冇俾佢影相呀，因為嗰日冇化妝、件衫怪、個look又怪。依家已經練到有正常肌肉線條，但就唔會練六嚿腹肌。」
海報印錯電話
千嬅在台上又開玩笑指要生B追兔仔，她說：「希望喺更年期前搞掂啦，不過小朋友係天畀嘅，有就有，冇就教好個仔，不過兩個小朋友又好開心嘅，順其自然啦。」千嬅又透露今年沒再開車送囝囝返學，因為想兒子可以適應多些群體生活，安排Torres改搭校巴上學。
此外，有讀者報料千嬅個唱海報印錯了查詢電話，讀者指千嬅是東亞歌手，想進一步問有關千嬅演唱會安排時，那位接聽電話的小姐已經好有經驗說：「呢度係英皇，佢哋應該印錯咗電話。你問返有關主辦單位啦。」就事件向東亞求證，發言人回應說：「我們了解當中，祝大家中秋節快樂！」
採訪：卓寶花
攝影：葉君海
希望開足十場
昨日千嬅受訪時，表示能夠開跨年演唱會，可以與歌迷一起歡度聖誕與新年，是人生最大紀念價值，會好好珍惜，問她會否再加開多兩場，湊足十場，她笑說：「我梗係想開得幾多得幾多啦，不過公司驚我辛苦，因為依家已經開八場，之前最高紀錄都只係開七場。」
為了今次個唱，千嬅又開始地獄式減肥，她說：「呢段時間會注意飲食，另外依家跟教練玩一個戶外嘅健身器械，想練吓心肺功能，呢個健身器械係美國專業運動員用開。試過用嗰陣，喺條街畀漁農處截停，話要影相做record，我冇俾佢影相呀，因為嗰日冇化妝、件衫怪、個look又怪。依家已經練到有正常肌肉線條，但就唔會練六嚿腹肌。」
海報印錯電話
千嬅在台上又開玩笑指要生B追兔仔，她說：「希望喺更年期前搞掂啦，不過小朋友係天畀嘅，有就有，冇就教好個仔，不過兩個小朋友又好開心嘅，順其自然啦。」千嬅又透露今年沒再開車送囝囝返學，因為想兒子可以適應多些群體生活，安排Torres改搭校巴上學。
此外，有讀者報料千嬅個唱海報印錯了查詢電話，讀者指千嬅是東亞歌手，想進一步問有關千嬅演唱會安排時，那位接聽電話的小姐已經好有經驗說：「呢度係英皇，佢哋應該印錯咗電話。你問返有關主辦單位啦。」就事件向東亞求證，發言人回應說：「我們了解當中，祝大家中秋節快樂！」
採訪：卓寶花
攝影：葉君海
回應 (0)
