新聞類別
港聞
詳情#
【蘋果日報】與民建聯關係密切的新會商會學校校長呂錦強正積極考慮參加中西區議會東華選區補選，有家長向《蘋果》投訴呂涉嫌有違政治中立，除在校內派發民建聯印製的《基本法》刊物，更動員教師擺街站搶閘宣傳。呂錦強接受查詢時證實校方有派發《基本法》，但稱沒有考慮政黨背景，又指教師為自己擺設街站純屬自願。有教育界議員認為呂的做法有偏私之嫌，動員下屬為個人宣傳的做法亦不理想。
有新會商會學校家長向《蘋果》投訴，指該校在呂錦強批准下，向學生派發由民建聯印製、書身印有民建聯黨徽的《基本法》刊物，質疑呂此舉有違政治中立，加上呂正積極考慮參選、並與民建聯緊密協調，更令人質疑有利益衝突。另有該校家長指，呂錦強日前在其考慮參選的選區中，動員校內數名教師為其擺街站宣傳，旁邊放置兩個印有其肖像的易拉架，單張刊有其聯絡方法。
呂錦強回覆查詢時稱，派發民建聯印製的《基本法》刊物，純粹因為覺得適合學生學習，未有考慮政黨背景，「有團體免費派發呢啲畀我哋，咁我哋咪用呢啲派畀學生囉，我哋絕對絕對冇宣傳任何嘢……佢哋睇咪睇，唔睇咪算數囉」，認為不涉利益或角色衝突。
動員教師擺街站宣傳
對動員教師擺街站，呂強調沒有逼教師為自己宣傳，「我同佢哋（教師）傾過，佢哋覺得都想幫手，咪派吓啲嘢咁囉」。問到該行動是否算選舉宣傳？呂未有正面回應：「你話屬唔屬於係一種助選？我覺得你要厘定乜叫助選，我一直都講緊我係積極考慮緊、慎重考慮緊（參選），我覺得我哋學校都有做一啲推廣宣傳活動，咁我又覺得讓大家認識我哋呢間學校喺呢個區亦好正常」。
教育界立法會議員葉建源質疑，學校派發政黨印刷品時須十分小心，因學校不應有明顯政治取向，若刊物明顯是某一政黨印刷品，並有政黨徽號或名字，某程度上是一種宣傳，「學校派發未必係適合做法，應該避免」。
葉又指，若呂最終參選並與民建聯協調，上述派發民建聯刊物行為更可能被視為偏私，「佢自己係某種政治信仰或者派別無問題，係個人選擇，但小心唔好利用公務便利，為某一啲政黨提供方便」，他並稱校長要求協助宣傳時，作為下屬很難抗拒，「避嫌係更好嘅做法」。
中大政治與行政學系高級講師蔡子強亦認為，校內教師若為校長宣傳，應該相當小心，避免予人瓜田李下感覺，「出面都會有啲懷疑，實際上係咪教師怯於校長，所以幫佢宣傳？我覺得呢啲最好應該避免，始終有種由上而下嘅關係」。
■記者林俊謙
有新會商會學校家長向《蘋果》投訴，指該校在呂錦強批准下，向學生派發由民建聯印製、書身印有民建聯黨徽的《基本法》刊物，質疑呂此舉有違政治中立，加上呂正積極考慮參選、並與民建聯緊密協調，更令人質疑有利益衝突。另有該校家長指，呂錦強日前在其考慮參選的選區中，動員校內數名教師為其擺街站宣傳，旁邊放置兩個印有其肖像的易拉架，單張刊有其聯絡方法。
呂錦強回覆查詢時稱，派發民建聯印製的《基本法》刊物，純粹因為覺得適合學生學習，未有考慮政黨背景，「有團體免費派發呢啲畀我哋，咁我哋咪用呢啲派畀學生囉，我哋絕對絕對冇宣傳任何嘢……佢哋睇咪睇，唔睇咪算數囉」，認為不涉利益或角色衝突。
動員教師擺街站宣傳
對動員教師擺街站，呂強調沒有逼教師為自己宣傳，「我同佢哋（教師）傾過，佢哋覺得都想幫手，咪派吓啲嘢咁囉」。問到該行動是否算選舉宣傳？呂未有正面回應：「你話屬唔屬於係一種助選？我覺得你要厘定乜叫助選，我一直都講緊我係積極考慮緊、慎重考慮緊（參選），我覺得我哋學校都有做一啲推廣宣傳活動，咁我又覺得讓大家認識我哋呢間學校喺呢個區亦好正常」。
教育界立法會議員葉建源質疑，學校派發政黨印刷品時須十分小心，因學校不應有明顯政治取向，若刊物明顯是某一政黨印刷品，並有政黨徽號或名字，某程度上是一種宣傳，「學校派發未必係適合做法，應該避免」。
葉又指，若呂最終參選並與民建聯協調，上述派發民建聯刊物行為更可能被視為偏私，「佢自己係某種政治信仰或者派別無問題，係個人選擇，但小心唔好利用公務便利，為某一啲政黨提供方便」，他並稱校長要求協助宣傳時，作為下屬很難抗拒，「避嫌係更好嘅做法」。
中大政治與行政學系高級講師蔡子強亦認為，校內教師若為校長宣傳，應該相當小心，避免予人瓜田李下感覺，「出面都會有啲懷疑，實際上係咪教師怯於校長，所以幫佢宣傳？我覺得呢啲最好應該避免，始終有種由上而下嘅關係」。
■記者林俊謙
回應 (0)
