新聞類別
娛樂
詳情#
【蘋果日報】【爆相爆片】林芊妤（Coffee）和6呎爆肌男友Weng Chak拍拖一年打得火熱，不時出雙入對，甜蜜放閃。大前日Coffee去戶外教瑜伽，Weng Chak都有做「跟得男友」陪伴左右，日前二人又拍拖出席神獸天使「騰騰雞」蔡慧欣喜宴。以為二人好事近，本報讀者陳先生卻影到Coffee在婚宴廳外怒罵男友，陳先生透過《蘋果》爆相爆片，指Coffee當時嬲爆，還爆粗講「Fxxk you」鬧男友。
坐埋一邊傾
陳先生接受電話訪問表示：「當晚10點幾仲未散席，Coffee同男友喺宴會廳出面嘈交，表現得好激動，大聲講幾句fxxk you後就喊，佢男朋友攞咗兩杯酒，叫佢坐埋一邊傾，不停氹佢，又畀紙巾佢抹眼淚，但最尾Coffee都係講多聲fxxk you，之後入番會場，佢男朋友就呆咗咁企喺度。」陳先生又說，因為Coffee好大聲，相信好多人出入去廁所都見到。
自稱唔夠瞓
Coffee接受《蘋果》電話訪問則表示：「耍吓花槍咋，男女朋友梗會耍吓花槍。我嗰日唔夠瞓，為咗好小事同男友詐吓嬌啫，我哋冇事呀，好好呀！不過邊有咁誇呀，可能我大聲同大動作啫，我哋好快入返去繼續飲啦，同埋我一向好眼淺，好易喊㗎啦，不過我哋仲係好恩愛呀，冇事冇事，多謝關心！」至於，為何忽然詐嬌？Coffee即大笑：「唔係吖嘛！唔係唔係，我不嬲都唔恨嫁，唔講乜事啦，嘻嘻不過真係冇事，多謝大家關心。」
採訪：皓騫
坐埋一邊傾
陳先生接受電話訪問表示：「當晚10點幾仲未散席，Coffee同男友喺宴會廳出面嘈交，表現得好激動，大聲講幾句fxxk you後就喊，佢男朋友攞咗兩杯酒，叫佢坐埋一邊傾，不停氹佢，又畀紙巾佢抹眼淚，但最尾Coffee都係講多聲fxxk you，之後入番會場，佢男朋友就呆咗咁企喺度。」陳先生又說，因為Coffee好大聲，相信好多人出入去廁所都見到。
自稱唔夠瞓
Coffee接受《蘋果》電話訪問則表示：「耍吓花槍咋，男女朋友梗會耍吓花槍。我嗰日唔夠瞓，為咗好小事同男友詐吓嬌啫，我哋冇事呀，好好呀！不過邊有咁誇呀，可能我大聲同大動作啫，我哋好快入返去繼續飲啦，同埋我一向好眼淺，好易喊㗎啦，不過我哋仲係好恩愛呀，冇事冇事，多謝關心！」至於，為何忽然詐嬌？Coffee即大笑：「唔係吖嘛！唔係唔係，我不嬲都唔恨嫁，唔講乜事啦，嘻嘻不過真係冇事，多謝大家關心。」
採訪：皓騫
回應 (0)
