心願再開咪　分享人生閱歷

【蘋果日報】80年代港台DJ出身的洪朝豐，曾主持《日月星辰》等受歡迎節目，97年獲新城以近百萬邀過檔，並憑該節目於94年至99年連續6年獲選香港十大受歡迎電台節目主持及最受歡迎電台節目。在事業高峯，99年洪朝豐卻因患抑鬱躁狂症而離開新城，過去18年雖曾試過為外地電台及DBC數碼電台做節目，但有可能患上舌癌的他，直言現時個人心願是回歸主流電台媒體開咪。
洪朝豐前日說：「唔知我維持依家咁樣講嘢能力仲有幾耐，世事好難講，正如你話啱啱去世女藝員（廖麗麗）可以喺咁短時間就離開人世，所以我哋做嘢係要搶時間。我嘅一個心願，我覺得我依家聲音係我一生人中最靚、最有磁性，好適合做廣播，經歷咗20幾年，人生閱歷又比之前多咗，做訴心聲節目我可以講係游刃有餘。假設我要走，希望走之前可以同多啲人分享我生命閱歷。」
採訪：魯吉