篠崎愛出寫真集晒G奶挑戰最激一次

【蘋果日報】日本巨乳女星篠崎愛靠G Cup身材走紅水着界，去年佢更嘗試進軍歌壇，不過始終最煞食都係佢嘅身材，近日篠崎愛就相隔三年再推出全新寫真集《結晶》益吓粉絲。
篠崎愛話加入水着界多年，要試嘅都試過，而且呢行新人輩出，佢諗過可能冇得再玩，不過後來知道原來好多人都好期待自己嘅水着寫真，佢就諗不如趁今年25歲再推出新寫真集。
今次篠崎愛為新寫真集走到夏威夷同沖繩取景，佢話今次寫真集挑戰咗過去唔敢嘗試嘅性感極限，喺公開咗嘅相入面，見到篠崎愛半裸抱胸淋浴，仲有着住細碼比堅尼晒巨乳，除此之外，佢又着住黑色tube dress展示自己優雅嘅一面。《結晶》將於11月2日推出，仲破天荒同時喺日本、韓國同台灣等三地發行。